माग सम्बोधन गर्ने आश्वासनपछि शव परीक्षण गर्न सहमति

मकवानपुरको भीमफेदी गाउँपालिका–६, चिसापानीगढीमा भएको विद्युतीय सवारी (इभी) दुर्घटनामा मृत्यु भएका व्यक्तिका आफन्तले आफ्ना माग सम्बोधनका लागि पहल गर्ने प्रशासनको आश्वासनपछि शव परीक्षण गर्न सहमति जनाएका छन् । शुक्रबार दिउँसो हेटौँडा अस्पताल परिसरमा जिल्ला प्रशासन कार्यालय मकवानपुरका सहायक प्रमुख जिल्ला अधिकारी एवम् दुर्घटना छानबिन समितिका संयोजक शेषकान्त पौडेलसँग भएको छलफलपछि आफन्त शव परीक्षण गर्न तयार भएका हुन् ।

दुर्घटनामा मृत्यु भएका व्यक्तिका परिवारले उचित क्षतिपूर्ति, घाइते बालबालिकाको शिक्षा तथा पालनपोषण, परिवारका सदस्यलाई रोजगारी र दुर्घटनाको निष्पक्ष छानबिन गरी दोषीमाथि कारबाहीको माग राख्दै शव परीक्षण तथा शव बुझ्ने प्रक्रिया रोकेका थिए । दुर्घटनास्थलबाट ल्याइएका शव हेटौँडा अस्पतालको शवगृहमा राखिएका थिए ।

Read full story at source ( gorkhapatraonline.com )