पहिलो खेल साढे १२ बजेदेखि त्रिवि अन्तर्राष्ट्रिय क्रिकेट मैदान कीर्तिपुरमा काठमान्डु गोर्खाज र सुदूरपश्चिम रोयल्सबीच हुँदैछ ।
काठमान्डु गोर्खाजले नेपाल प्रिमियर लिग (एनपीएल) मा शुक्रबारको पहिलो खेल सुदूरपश्चिम रोयल्सविरुद्ध पहिला फिल्डिङ गर्ने भएको छ । काठमान्डुका कप्तान करण केसीले टस जितेपछि सुदूरपश्चिम रोयल्सलाई त्रिवि अन्तर्राष्ट्रिय क्रिकेट मैदान कीर्तिपुरमा ब्याटिङका लागि बोलाएका हुन् ।
सुदूरपश्चिमबाट वेस्ट इन्डिजका अलराउन्डर फाबियन एलेनले ‘डेब्यु’ गर्दैछन् । उनलाई टिम हडल्समा क्याप प्रदान गरिएको थियो । सुदूरपश्चिम रोयल्सले अघिल्लो खेल खेलेको टोलीबाट अविनाश बोहरा र सैफ जैबको स्थानमा दीपक बोहरा र ऐलेनलाई खेलाएको हो ।
डेबिड वार्नर गएपछि काठमान्डु गोर्खाजले पहिलो पटक खेलिरहेको छ । वार्नरले एनपीएलमा चार खेल खेल्दा गोर्खाजले सबै चार खेल जितेको थियो । काठमान्डु गोर्खाजबाट दुशान हेमान्थालाई पहिलो पटक खेलाइरहेका छन् । उनलाई वार्नरको स्थानमा ल्याइएको छ । त्यस्तै विलियम बोसिस्टोको स्थानमा साम हिज्लेट खेलिरहेका छन् ।
काठमान्डुले यस खेल जित्यो भने शीर्ष दुई स्थानमा रहदैं क्वालिफायरमा पुग्ने छ । सुदूरपश्चिमले पनि यस खेल जितेमा क्वालिफायरमा पुग्ने सम्भावना रहन्छ ।
.png)
