खरना महोत्सवमा ५० जना छठ व्रतालुको सहभागिता थियो ।
जनकपुर — छठको पूर्वसन्ध्यामा जनकपुरमा पहिलोपटक खरना महोत्सव गरिएको छ । होटेल तथा पर्यटन व्यवसायी संघ धनुषाको आयोजनामा खरना महोत्सव आयोजना गरिएको संघका अध्यक्ष रुपेश सिंहले जानकारी दिए ।
खरना महोत्सवमा ५० जना छठ व्रतालु महिलाको सहभागिता थियो । आन्तरिक पर्यटनको विकास र छठ पर्वको विशेषता एवं महत्व प्रचार प्रसार गर्ने उदेश्यले महोत्वस आयोजना गरिएको अध्यक्ष सिंहले जानकारी दिए ।
छठ पर्वको दोस्रो दिनलाई खरना भनिन्छ, जुन कार्तिक शुक्ल पञ्चमीको दिन पर्छ । यस दिन व्रतालुहरू दिनभरि उपवास बसेर साँझपख विधिवत रूपमा पूजा गर्छन् र एक छाक मात्र फलाहार (प्रसाद) ग्रहण गर्छन् ।
अजित पत्रकार तिवारी कान्तिपुरका जनकपुर संवाददाता हुन् ।
