मकवानपुरको भीमफेदी गाउँपालिका–६ चिसापानीगढीस्थित भीमफेदी–कुलेखानी–काठमाडौं सडकखण्डमा भएको माइक्रोबस दुर्घटनामा पाँच जना घाइते भएका छन् ।
काठमाडौँ — मकवानपुरको भीमफेदी गाउँपालिका–६ चिसापानीगढीस्थित भीमफेदी–कुलेखानी–काठमाडौं सडकखण्डमा भएको ईभी दुर्घटनामा पाँच जना घाइते भएका छन् ।
घाइते हुनेमा मुकेश यादव, देवेन्द्र यादव, सञ्जय यादव, सुजन यादव र सक्षम यादव रहेका छन् । उनीहरू सबै सर्लाही जिल्लाका स्थानीय बासिन्दा रहेको प्रारम्भिक जानकारी प्राप्त भएको मकवानपुरका डीएसपी माधव काफ्लेले जानकारी दिए ।
उनका अनुसार उनीहरू छठ पर्व मनाउन ललितपुर जिल्लाको टिकाथलीबाट सर्लाहीतर्फ जाँदै थिए । बिहान करिब ५:४५ बजे काठमाडौंस्थित टिकाथलीबाट सर्लाहीका लागि छुटेको यात्रुवाहक ईभी सडकबाट करिब ५०० मिटर तल खसेर दुर्घटना भएको थियो ।
दुर्घटनामा १० जनाको मृत्यु भएको छ भने पाँच जना घाइते भएका छन् । मृतक तथा घाइते सबै सर्लाहीको चक्रघट्टा गाउँपालिका–४, सुन्दरपुर क्षेत्रका स्थानीय रहेको प्रारम्भिक विवरण छ ।
दुर्घटनाको कारण खुल्न सकेको छैन । घटनास्थल अत्यन्तै भिरालो र दुर्गम रहेकाले उद्धारमा समेत कठिनाइ भएको प्रहरीले जनाएको छ ।
सुवास विडारी कान्तिपुरका मकवानपुर संवाददाता हुन् ।
