काठमाडौँ । संयुक्त राष्ट्रसंघीय जलवायु परिवर्तनसम्बन्धी ३१औँ सम्मेलन (कोप-३१)मा सहभागी प्रतिनिधिहरूले जलवायु वित्तको अभाव अन्त्य गर्न तथा विकासशील राष्ट्रका लागि जलवायु न्याय सुनिश्चित गर्न अन्तर्राष्ट्रिय समुदायसँग माग गरेका छन् । संयुक्त राष्ट्रसंघको सन् २०३० सम्मको दिगो विकास एजेण्डा कार्यान्वयन गर्न अब चार वर्ष मात्रै बाँकी रहेकाले सम्मेलनमा उत्सर्जन न्यूनीकरणका लक्ष्य निर्धारण गर्नेभन्दा पनि व्यावहारिक समाधान र कार्यान्वयनमा जोड दिइएको छ ।
संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को)अन्तर्गत दिगो विकासका लागि शिक्षा क्षेत्रका अध्यक्ष मोहम्मद नुरुननबीले अब प्रतिवद्धता मात्रै नभई त्यसको प्रभावकारी कार्यान्वयन आवश्यक रहेको बताए । उनकाअनुसार विश्वव्यापी रूपमा दिगो विकास लक्ष्य कार्यान्वयनको प्रगति हालसम्म १५ प्रतिशत मात्रै रहेको छ । विश्वव्यापी उत्सर्जनमा न्युन योगदान गर्ने ग्लोबल साउथका देशहरूले जलवायु परिवर्तनको ठूलो असर भोग्नुपरेको तर विकसित राष्ट्रहरूबाट प्राप्त हुने जलवायु वित्तीय सहयोग भने प्रत्येक वर्ष घट्दै गएको उनको भनाइ थियो ।
स्रोतमा पूरा पढ्नुहोस् ( rajdhanidaily.com )
