मस्को, रुस। रुसको राजधानी मस्कोमा चिसो मौसमको प्रवाह नगरी नेपाली समुदायले तिहारको उल्लास, मौलिक संस्कृति र आपसी आत्मीयतालाई जीवन्त बनाएको छ। २४ कार्तिक मंगलबार साँझ मस्कोस्थित नेपाली राजदूतावासको कार्यालय परिसरमा गुञ्जिएको देउसी–भैलोले सात समुद्रपारि रहेका नेपालीहरूको मनलाई एकपटक फेरि जन्मभूमि नेपालसँग जोडिदियो।
तिहार, नेपाल संवत् ११४७ तथा छठ पर्वको अवसर पारेर रुसस्थित गैरआवासीय नेपाली संघ (एनआरएनए) ले आयोजना गरेको उक्त कार्यक्रममा मस्कोमा बसोबास गर्ने नेपालीहरूको उत्साहजनक सहभागिता रहेको थियो। परदेशको भूमिमा आयोजित यस सांस्कृतिक जमघटले नेपालीहरूलाई आफ्नो भाषा, संस्कृति, परम्परा र पारिवारिक आत्मीयताको स्मरण मात्र गराएन, पुस्तौँदेखि हस्तान्तरण हुँदै आएका मौलिक संस्कारलाई निरन्तरता दिने सामूहिक प्रतिबद्धता पनि प्रकट गर्यो।
Read full story at source ( newspolar.com )
