पटका पड्काउने क्रममा जलेर पर्सामा ५ वर्षीय बालकको मृत्यु भएको हो ।
पर्सा — दीपावलीका अवसरमा पटका पड्काउने क्रममा जलेर पर्सामा पाँच वर्षीय बालकको मृत्यु भएको छ।
पकहाँमैनपुर गाउँपालिका–२, मधुबनीमा सोमबार बिहान ८ बजे पटका पड्काउने क्रममा आगोले जलेर बालकको मृत्यु भएको हो।
स्थानीय रामगुलाम सहनीका ८ वर्षीय छोरा कुन्दन सहनीको उपचारका क्रममा मृत्यु भएको प्रहरीले जनाएको छ।
पर्सा प्रहरीका प्रवक्ता डीएसपी चक्रबहादुर मल्लका अनुसार, पटका पड्काउने क्रममा बालकको शरीरमा आगो लागेको थियो। आगोले जलेर बेहोस भएका बालकलाई तत्काल उपचारका लागि वीरगन्जस्थित तराई अस्पतालमा भर्ना गरिएको थियो। तर, उपचारकै क्रममा उनको मृत्यु भएको हो ।
शंकर आचार्य कान्तिपुरका पर्सा संवाददाता हुन् ।
