काठमाडौँ । नेपालीहरूको दोस्रो ठूलो चाड तिहार सुरु भइसकेको छ । उज्यालो र फूलैफूलको पर्वका रूपमा चिनिने तिहारमा यस वर्ष नेपाली पुष्प व्यवसायी र किसानहरूका लागि निकै उत्साहजनक वातावरण तय भएको छ ।
विगतका वर्षहरूमा तिहार आउनुभन्दा केही दिन अघिदेखि नै भारतीय बजारबाट आयातित सयपत्री फूलले नेपाली बजार भरिने र स्वदेशी फूलले बजार नपाएर बोटमै सुकाउनुपर्ने वा सडकमा फाल्नुपर्ने बाध्यता हुन्थ्यो । तर यस वर्ष परिस्थिति फेरिएको छ । यसपालिको तिहारमा नेपालभित्रै उत्पादन भएका फूलहरूले मात्रै बजारको सम्पूर्ण माग धान्ने र करिब ५० करोड रुपैयाँ बराबरको फूलको आर्थिक कारोबार हुने प्रक्षेपण गरिएको छ । स्वदेशी उत्पादनलाई प्रवर्द्धन गर्न सरकारले देखाएको तदारुकता र भारतीय फूल आयातमा गरिएको कडा निगरानीले बजार पाएको देखिन्छ ।
Read full story at source ( ratopati.com )
