काठमाडौँ । सञ्जु सामसन, श्रेयस अय्यर र नमन धीरको उत्कृष्ट ब्याटिङको मद्दतले भारतले पहिलो टी–२० अन्तर्राष्ट्रिय खेलमा घरेलु टोली न्युजिल्यान्डमाथि ४ विकेटको रोमाञ्चक जित हात पारेको छ । जितका लागि पाएको २२६ रनको विशाल लक्ष्य भारतले १९.४ ओभरमा ६ विकेट गुमाएर पूरा गर्यो ।
यसअघि हग्ले ओभलमा पहिले ब्याटिङ गरेको न्युजिल्यान्डले निर्धारित २० ओभरमा ४ विकेट गुमाएर २२५ रनको उच्च योगफल खडा गरेको थियो । यो टी–२० अन्तर्राष्ट्रियमा न्युजिल्यान्डले भारतविरुद्ध बनाएको हालसम्मकै उच्च योगफल हो । घरेलु टोलीका लागि ग्लेन फिलिप्सले विष्फोटक ब्याटिङ गर्दै मात्र ४० बलमा ८ चौका र ३ छक्कासहित अविजित ८२ रन बनाए। यस्तै, फिन एलेनले २४ बलमा ४५ रन र बेभोन जेकोब्सले १६ बलमा ३१ रनको योगदान दिएका थिए ।
स्रोतमा पूरा पढ्नुहोस् ( ratopati.com )
