२२ कात्तिक, काठमाडौं । यतिबेला सूचीकृत कम्पनीहरू धमाधम लाभांश घोषणा गर्दै साधारणसभा तयारीमा छन् ।
आर्थिक वर्ष समाप्त भएको ६ महिना (पुस) भित्र साधारणसभा सम्पन्न गरिसक्नुपर्ने व्यवस्था छ । लाभांश दिन सक्ने क्षमता भएका कम्पनीले सेयरधनीलाई लाभांश घोषणा गरिरहेका छन् ।
तिहारअघि नै लाभांश घोषणा गरिसकेका तर, तिहारपछि सेयर किन्दा पनि लाभांश पाइने अझै १७ कम्पनी छन् । कम्पनीहरूले पहिले लाभांश घोषणा गर्छन्, त्यसपछि ‘बुक क्लोज’ तथा साधारणसभा बस्ने मिति तय गर्दछन् । बुक क्लोज नहुँदासम्म सेयर किन्दा घोषित लाभांश पाइन्छ । यिनै सूचीकृत १७ कम्पनीको बुक क्लोज मिति तय नभइसकेकाले सेयर किन्दा लाभांश पाइने भएको हो ।
यसरी लाभांश घोषणा गरेका तर बुक क्लोज नभइसकेका वा तिहारपछि सेयर किन्दा लाभांश पाइने कम्पनीमा ३ वटा वाणिज्य बैंक छन् । त्यस्तै २ विकास बैंक, १ उत्पादन तथा प्रशोधन समूहको, ६ जलविद्युत् कम्पनी र ५ लघुवित्त कम्पनी छन् ।
केही कम्पनीले बोनस सेयर, केहीले नगद लाभांश र केहीले मिश्रित लाभांश घोषणा गरेका छन् । नगद लाभांश साधारणसभा सम्पन्न हुनेवित्तिकै कम्पनीले सेयधनीको बैंक खातामा जम्मा गर्न सुरु गर्दछन् । सामान्यत: घोषित १ प्रतिशतभन्दा कम नगद लाभांश भने बोनस सेयरको कर प्रयोजनका लागि मात्रै हुनेछ ।
बोनस सेयर जम्मा हुने हकमा थप केही बढी समय लाग्दछ । धितोपत्र बोर्डमा दर्ता भएपछि मात्रै डिम्याट खातामा बोनस सेयर जम्मा हुन्छ । बोनस सेयरका हकमा बढेको सेयर संख्याअनुसार मूल्य पनि बुक क्लोजका दिन समायोजन (घट्ने) हुन्छ ।
यी हुन् तिहारपछि सेयर किन्दा लाभांश पाइने कम्पनी
