कर्णाली प्रदेशको सुर्खेतमा आयोजना हुने राष्ट्रिय खेलकुदका लागि प्रदेशका नौवटै जिल्लाबाट २ हजार ४ सय ६४ खेलाडी छनोट भएर आएका छन् ।
कैलाली — १०औँ राष्ट्रिय खेलकुद प्रतियोगितामा सुदूरपश्चिम प्रदेशले ३० वटा खेलमा प्रतिस्पर्धा गर्ने भएको छ । त्यसका लागि प्रदेशले खेलाडी छनोट प्रक्रिया अघि बढाएको छ । प्रदेश खेलकुद परिषद्ले कात्तिक २८ गतेदेखि प्रदेशस्तरीय छनोट प्रतियोगिता सञ्चालन गर्ने तयारी गरेको हो ।
कर्णाली प्रदेशको सुर्खेतमा आयोजना हुने राष्ट्रिय खेलकुदका लागि प्रदेशका नौवटै जिल्लाबाट २ हजार ४ सय ६४ खेलाडी छनोट भएर आएका छन् । जिल्ला तहबाट छनोट भएका उनीहरूबीच प्रदेशस्तरमा प्रतिस्पर्धा गराएर राष्ट्रिय प्रतियोगितामा सहभागी हुने अन्तिम टोली तयार गरिनेछ ।
प्रदेश खेलकुद परिषद्का सदस्यसचिव लोकबहादुर खड्का ‘रबी’का अनुसार छनोट प्रतियोगिताको तयारी अन्तिम चरणमा पुगेको छ । परिषद्ले धनगढीमा पत्रकार सम्मेलन आयोजना गरी प्रतियोगिताको तयारी र सहभागिताबारे जानकारी दिएको हो ।
कात्तिक २८ देखि मंसिर १ गतेसम्म सञ्चालन हुने छनोट प्रतियोगिता कैलाली, कञ्चनपुर र डडेल्धुरामा हुनेछ । प्रतियोगितामा खेलाडी, अफिसियल र प्रशिक्षक गरी ७ सय ४४ जनाको सहभागिता रहने परिषद्ले जनाएको छ ।
प्रदेशस्तरीय छनोटमा सम्बन्धित खेलका खेलाडीले आफ्नो प्रदर्शन देखाउनेछन्। त्यसबाट उत्कृष्ट ठहरिएका खेलाडीले सुर्खेतमा हुने राष्ट्रिय प्रतियोगितामा सुदूरपश्चिमको प्रतिनिधित्व गर्नेछन् ।
राष्ट्रियस्तरको प्रतियोगितामा प्रदेशको सहभागिता प्रभावकारी बनाउन खेलाडी छनोटसँगै प्रशिक्षण र व्यवस्थापनको तयारी पनि अघि बढाइएको परिषद्ले जनाएको छ । छनोट भएका खेलाडीलाई प्रतिस्पर्धाका आधारमा अन्तिम टोलीमा समावेश गरिनेछ ।
.png)
