काठमाडौं- सरकारले सञ्चालन गर्दै आएको सहुलियतपूर्ण स्टार्टअप उद्यम कर्जा कार्यक्रममा यस वर्ष ढिलाइ भएको छ। नीतिगत अन्योल, सरकारी संयन्त्रमा भएको फेरबदल र सफ्टवेयर व्यवस्थापनमा देखिएको प्राविधिक समस्याका कारण चालु आर्थिक वर्ष २०८३/०८४ को आवेदन प्रक्रिया सुरु हुन सकेको छैन। औद्योगिक व्यवसाय विकास प्रतिष्ठान (आईईडीआई) का कार्यकारी निर्देशक उमेश कुमार गुप्ताले तिहार र छठपछिको बिदा सकिएलगत्तै मङ्सिरको अन्तिम सातासम्ममा आवेदन आह्वान गर्ने गरी आन्तरिक तयारी तीव्र पारिएको बताए।
प्रतिष्ठानका अनुसार कार्यविधि संशोधन र सरकारी डाटा सेन्टरसँग समन्वय गरी सफ्टवेयर स्तरोन्नतिको काम भइरहेको छ। यस वर्षदेखि आवेदन दर्ता, कागजात रुजु र मूल्याङ्कनको सम्पूर्ण प्रक्रिया अनलाइन प्रणालीबाटै गर्ने तयारी छ। कार्यकारी निर्देशक गुप्ताले प्रशासनिक नेतृत्वमा भएको रिक्तता र मन्त्रालयमा मन्त्री फेरिएका कारण पनि प्रक्रियामा केही समय लागेको स्पष्ट पारे।
स्रोतमा पूरा पढ्नुहोस् ( canadanepal.com )
