प्रदेश प्रमुख सुरेन्द्रलाभ कर्णलाई नेकपाका नेता जवाहरलाल कुशवाहाले सरकारलाई दिएको समर्थन फिर्ता लिँदै आफ्ना चारजना मन्त्रीले राजीनामा दिएको पत्र बुझाएका हुन् ।
जनकपुरधाम — मधेश प्रदेश सरकारमा नेपाली कम्युनिष्ट पार्टी (नेकपा)बाट मन्त्री भएका ४ मन्त्रीले राजीनामा दिएका छन् ।
मधेश प्रदेश सरकारमा सहभागी अर्थमन्त्री युवराज भट्टराई, उद्योग तथा पर्यटनमन्त्री कनिष पटेल, गृह, सञ्चार तथा कानुनमन्त्री फकिरा महतो र ऊर्जा, सिँचाइ तथा खानेपानीमन्त्री जवाहरलाल कुशवाहाले शुक्रबार सामूहिक राजीनामा दिएका हुन् ।
प्रदेश प्रमुख सुरेन्द्रलाभ कर्णलाई नेकपाका नेता कुशवाहाले सरकारलाई दिएको समर्थन फिर्ता लिँदै आफ्ना चारजना मन्त्रीले राजीनामा दिएको पत्र बुझाएका हुन् ।
यसअघि गत ३० असोजमा एमालेबाट मधेश प्रदेश सरकारमा सहभागी मन्त्रीहरूले राजीनामा दिँदै सरकारलाई दिएको समर्थन फिर्ता लिएका थिए । मधेस प्रदेशमा नयाँ सरकार गठनको कसरतसमेत सुरु भइसकेको छ ।
अजित पत्रकार तिवारी कान्तिपुरका जनकपुर संवाददाता हुन् ।
