काठमाडौँ । प्रेम सम्बन्धमा रहँदा खिचिएका गोप्य तस्बिर तथा भिडियो सामाजिक सञ्जालमा सार्वजनिक गरी महिलाको चरित्र हत्या गरेको आरोपमा प्रहरीले एक जनालाई पक्राउ गरेको छ । नेपाल प्रहरीको साइबर ब्युरोले इलामको माई नगरपालिका–१ स्थायी घर भएका २९ वर्षीय विकल्प राईलाई पक्राउ गरेको हो ।
राईले एक महिलासँग प्रेम सम्बन्धमा रहँदा खिचिएका तस्बिर र भिडियोहरू सामाजिक सञ्जाल ‘टेलिग्राम’ मार्फत सार्वजनिक गरी चरित्र हत्या गरेको प्रहरीले जनाएको छ। पीडित महिलाले दिएको उजुरीका आधारमा खटिएको ब्युरोको टोलीले प्राविधिक अनुसन्धान तथा विश्लेषणपछि राईलाई कात्तिक १९ गते काठमाडौंको ठमेलस्थित पर्यटन मार्गबाट पक्राउ गरेको थियो।
स्रोतमा पूरा पढ्नुहोस् ( ratopati.com )
