काठमाडौँ । शिक्षा विभागले सबै सामुदायिक विद्यालयहरूको जग्गा व्यवस्थापन कार्यलाई अभियानकै रूपमा सम्पन्न गर्न निर्देशन दिएको छ। विभागले आज शुक्रबार एक सूचना जारी गर्दै विद्यालयको नाममा जग्गाधनी प्रमाण पत्र रहेको, सरकारी जग्गा भोग चलनको कागजात भएको वा नभएको, सार्वजनिक तथा सामुदायिक निस्सा, भाडामा लिएको–दिएको, ऐलानी वा प्रति जग्गा लगायत सम्पूर्ण जग्गासम्बन्धी विवरण अद्यावधिक गर्न ताकेता गरेको हो।
यसका लागि आवश्यक सहजीकरण गरी विद्यालयको जग्गासम्बन्धी विषयहरू दीर्घकालीन रूपमा समाधान गर्न सरोकारवाला निकाय, संस्था तथा व्यक्तिसँग समन्वय गर्न पनि भनिएको छ। विभागको निर्णयअनुसार विद्यालयहरूले एकीकृत शैक्षिक सूचना व्यवस्थापन प्रणालीमा गई जग्गाको स्वामित्व, क्षेत्रफल र कानुनी कागजातको विवरण प्रविष्टि गर्नुपर्नेछ।
स्रोतमा पूरा पढ्नुहोस् ( ratopati.com )
