राष्ट्र बैंकका कार्यकारी निर्देशक अनुज दाहालले शुक्रबार चाँदी मात्रै बिक्री गरिरहेको जानकारी दिए ।
काठमाडौँ — बिहीबार रातीसम्म सुनको असर्फी बेचेको राष्ट्र बैंकले शुक्रबार चाँदीका सिक्का मात्रै बिक्री गर्ने भएको छ।
राष्ट्र बैंकका कार्यकारी निर्देशक अनुज दाहालले शुक्रबार चाँदी मात्रै बिक्री गरिरहेको जानकारी दिए ।
उनले भने, ‘सुन असर्फी लिन बिहीबार राती ९ बजेसम्म सर्वसाधारण लाइनमा थिए । हिजै स्टक लगभग सकिएपछि शुक्रबार चाँदीका सिक्का मात्रै बिक्री गर्ने भएका हौं ।’
राष्ट्र बैंकका कर्मचारीहरूले राती दुई बजेसम्म बसेर हिसाब किताब गरेको पनि दाहालले बताए। कति सुनका सिक्का बिक्री भए भन्ने जानकारी भने राष्ट्र बैंकले उल्लेख गरेको छैन ।
राष्ट्र बैंकले शुक्रबार प्रति दश ग्राम चाँदीको सिक्का ३७०० रूपैयाँमा बिक्री गरिरहेको छ ।
राष्ट्र बैंकले बिहीबार चाँदीको सिक्का ३८०० रूपैयाँमा र २.५ ग्रामका सुनका असर्फी प्रति सिक्का ६५ हजार ४ सय रूपैयाँमा बिक्री गरेको थियो ।
दुई वर्षदेखि राष्ट्र बैंकमा रहेको सुन मौज्दात सकिएपछि यसपटक वाणिज्य बैंकसँग किनेर भए पनि असर्फी बिक्री गरेको थियो । दसैंअघि नै बिक्रीको लागि राष्ट्र बैंकले वाणिज्य बैंकहरूबाट ३५ किलो सुन खरिद गरेर असर्फी टकामरी गरेको थियो ।
विजयराज खनाल कान्तिपुर मिडिया ग्रुपको आर्थिक व्युरोमा काम गर्छन् । उनी सेयर बजार र बैंक र लगानीका बिषयमा रुची राख्छन् ।
(182).png)
