पर्वतारोहण क्षेत्रमा पुर्याएको उल्लेखनीय योगदान र उपलब्धिको कदर गर्दै उनलाई अवार्ड प्रदान गरिएको विज्ञप्तिमा जनाइएको छ ।
काठमाडौँ — नेपाली पर्वतारोही निमा रिन्जी शेर्पा एसियन अल्पाइन एसोसिएसन (यूएएए) द्वारा प्रदान गरिने प्रतिष्ठित ‘शेर्पा अफ द इयर’ अवार्डबाट बिहीबार सम्मानित भएका छन्।
पर्वतारोहण क्षेत्रमा पुर्याएको उल्लेखनीय योगदान र उपलब्धिको कदर गर्दै उनलाई अवार्ड प्रदान गरिएको विज्ञप्तिमा जनाइएको छ । यूएएएका अध्यक्ष डा. इन-जियोङ ली र नेपाल पर्वतारोहण संघ (एनएमए) का अध्यक्ष फुर गेल्जे शेर्पाले संयुक्त रूपमा निमा रिन्जीलाई अवार्ड प्रदान गरेका हुन्। अवार्डसँगै उनले एक हजार अमेरिकी डलर नगद पुरस्कारसमेत प्राप्त गरेका छन्।
‘शेर्पा अफ द इयर’ अवार्डबाट सम्मानित निमा रिन्जीको उपलब्धिलाई नेपालको गौरवका रूपमा लिइएको छ। उनको सफलताले नयाँ पुस्ताका पर्वतारोहीलाई पर्वतारोहण क्षेत्रमा अघि बढ्न थप प्रेरणा मिल्ने विश्वास गरिएको छ।
.jpg)
.jpeg)
