.jpg)
काठमाण्डौ । छ्याङ्दी हाइड्रोपावर लिमिटेडका आधारभूत सेयरधनी रामेश्वर थापाले आफ्नो स्वामित्वमा रहेको २ लाख ८६ हजार ६५० कित्ता सेयर बिक्री गर्ने भएका छन्।
थापाले आफूले धारण गरेको उक्त सेयर आगामी ३ महिनाभित्र बिक्री गर्ने मनसायसहित निवेदन दिएको कम्पनीले जानकारी गराएको हो।
नेपाल धितोपत्र बोर्डले जारी गरेको निर्देशनअनुसार आधारभूत सेयरधनीले आफूले धारण गरेको सेयरको ५ प्रतिशत वा सोभन्दा बढी सेयर बिक्री गर्नुअघि कम्तीमा पाँच कारोबार दिनअगावै जानकारी गराउनुपर्ने व्यवस्था छ।
सोही व्यवस्थाअनुसार थापाले सेयर बिक्रीको मनसाय कम्पनीसमक्ष पेश गरेका हुन्।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।
