यसले अंकित मूल्य एक सय रूपैयाँको दरमा १७ लाख कित्ता सेयर जारी गर्ने भएको छ ।
काठमाडौँ — कान्तिपुर फर्मास्युटिकल्सले आइपीओ जारी गर्न स्वीकृति पाएको छ ।
कम्पनीले कात्तिक १९ गते नेपाल धितोपत्र बोर्डबाट आइपीओ जारी गर्न स्वीकृति पाएको हो ।
यसले अंकित मूल्य एक सय रूपैयाँको दरमा १७ लाख कित्ता सेयर जारी गर्ने भएको छ । सर्वसाधारणबाट यसले १७ करोड रूपैयाँ उठाउने भएको हो ।
यसको सेयर रजिष्ट्रारमा मुक्तिनाथ क्यापिटल छ । कम्पनीको सञ्चालन आम्दानी आर्थिक वर्ष २०८१-८२ मा ८० प्रतिशतले बढेर ४० करोड ९० लाख रूपैयाँ पुगेको छ ।
अघिल्लो वर्ष यस्तो आम्दानी २२ करोड ७० लाख रूपैयाँ थियो । यद्यपि, नाफाको मार्जिन भने घटेको छ । कम्पनीको खुद नाफा मार्जिन १३.९५ प्रतिशतबाट घटेर ६.२८ प्रतिशतमा झरेको छ । उच्च मौज्दात, चालु पुँजीमा निर्भरता र बढ्दो ब्याज खर्चलाई रेटिङको क्रममा प्रमुख चुनौतीका रूपमा औँल्याइएको छ।
(17).png)
