अमेरिकाका दुबै सदनमा डेमोक्रेटिक पार्टीको बहुमत आउने प्रक्षेपण

मंगलबार सम्पन्न यस निर्वाचनमा महँगी, इरान युद्ध र सरकारी भ्रष्टाचारप्रति मतदाताहरूले देखाएको गहिरो असन्तुष्टि प्रष्ट रूपमा झल्किएको छ

काठमाडौँ — अमेरिकामा सम्पन्न मध्यावधि निर्वाचनमा डेमोक्र्याट पार्टीले ठूलो सफलता हासिल गरेको छ। मतगणना जारी रहदाँ डेमोक्रेटिक पार्टीले तल्लो सदन (हाउस अफ रिप्रेजेन्टेटिभ्स) र माथिल्लो सदन (सिनेट) दुबैमा बहुमत ल्याउने प्रक्षेपण अमेरिकी सञ्चारमाध्यमहरुले गरेका छन् ।

बहुमत स्थानमा रिपब्लिकन उम्मेदवारको दाँजोमा डेमोक्रेटहरुले ठूलो मतान्तरले अग्रता लिइरहेका छन् ।

मंगलबार सम्पन्न यस निर्वाचनमा महँगी, इरान युद्ध र सरकारी भ्रष्टाचारप्रति मतदाताहरूले देखाएको गहिरो असन्तुष्टि प्रष्ट रूपमा झल्किएको छ।

दुई वर्षअघि मात्रै राष्ट्रपति डोनल्ड ट्रम्पले भारी मतान्तरले जितेका राज्यहरू (टेक्सासदेखि आयोवा र न्यु ह्याम्पशायरसम्म) मा यसपटक डेमोक्र्याटहरूले रिपब्लिकनहरूलाई पराजित गरेका छन्।

निर्वाचनमा कडा प्रतिस्पर्धा गर्न माहिर मानिने मेन  राज्यकी रिपब्लिकन सेनेटर सुसान कोलिन्ससमेत डेमोक्र्याट उम्मेदवार ट्रोय ज्याक्सनसँग पराजित भएकी छिन्।

गत महिनाभर आफ्नो पक्षमा जनमत तयार पार्न राष्ट्रपति ट्रम्पले देशैभर र्‍यालीहरू निकालेका थिए । तर, पनि उनी यो चुनावी हारलाई रोक्न पूर्ण रूपमा असफल भए । देशैभरबाट आएका यी परिणामहरू ट्रम्पका लागि एक ठूलो राजनीतिक धक्का साबित भएका छन्।

संसद्‍मा बहुमत गुम्दा उनलाई आफ्ना नीतिहरु पारित गर्न कठिन हुनेछ । ट्रम्पले हार स्विकार्दै डेमोक्रेटिक सांसद्‍हरुसँग सहकार्य गरेर अघि बढ्ने बताएका छन् ।