जिल्ला प्रहरी कार्यालय बागलुङले सदरमुकामको हल्लनचोकस्थित अमर खड्काको घरमा तास खेलिरहेका ९ जनालाई मंगलबार साँझ पक्राउ गरेको हो ।
जुवातास खेलिरहेको अवस्थामा बागलुङमा ९ जना पक्राउ परेका छन् । जिल्ला प्रहरी कार्यालय बागलुङले सदरमुकामको हल्लनचोकस्थित अमर खड्काको घरमा तास खेलिरहेका ९ जनालाई मंगलबार साँझ पक्राउ गरेको हो ।
जुवातास खेलिरहेका चिरञ्जीवी शर्मा, रिपोर्ट जि.सी., अमर खड्का, भीमबहादुर खत्री, केशव पराजुली, राजु गौतम, हरि शर्मा, डम्मरबहादुर भण्डारी र दुर्गाबहादुर खत्रीलाई पक्राउ गरिएको जिल्ला प्रहरी कार्यालयका प्रहरी नायब उपरीक्षक रामेश्वर त्वातीले बताए ।
उनीहरूको साथबाट नगद १ लाख ६४ हजार ९ सय २५ रुपैयाँ र ४ सय ३८ पत्ती तास बरामद गरिएको त्वातीले बताए । जुवातास खेलिरहेको गोप्य सूचनाका आधारमा उनीहरूलाई पक्राउ गरिएको र यस विषयमा थप अनुसन्धान भइरहेको जिल्ला प्रहरी कार्यालय बागलुङले जनाएको छ ।
जुवातास खेलिरहेको अवस्थामा पक्राउ परेकाहरू । तस्बिर : प्रदीप पन्त/बागलुङ
