जितपुर सिमरा उपमहानगरपालिका १६ धर्मनगरका ३० वर्षीय गोविन्द ठाडा मगरले पडकाएको भरूवा बन्दुकको छर्राले एक जना घाइते भएका छन् ।
बारा — बाँदर धपाउन पड्काएको भरूवा बन्दुकको छर्रा लागेर सोमबार राति एक जना घाइते भएका छन् । जितपुर सिमरा उपमहानगरपालिका १६ धर्मनगरका ३० वर्षीय गोविन्द ठाडा मगरले पडकाएको भरूवा बन्दुकको छर्राले एक जना घाइते भएका छन् ।
३३ वर्षीय उत्तम रमौलि मगर घाइते भएका हुन् । उनको वीरगन्जको नेपाल मेडिसिटी बयोधा अस्पताल गण्डकमा उपचार भइरहेको सिमरा इलाका प्रहरी कार्यालयका प्रहरी नायब उपरीक्षक दयाकृष्ण भट्टले बताए ।
भट्टको कमाण्डमा घटनास्थल पुगेका प्रहरी टोलीले २ नाल भरुवा बन्दुकसहित ठाडा मगरलाई नियन्त्रणमा लिइ थप अनुसन्धान भइहेको उनले बताए ।
लक्ष्मी साह कान्तिपुरका बारा संवाददाता हुन् ।
