१७ कात्तिक, काठमाडौं । पूर्वाधार विकास मन्त्रालय अन्तर्गतको सडक डिभिजन कार्यालय इलामले सुखानी पक्की पुलको ठेक्का तोडेको छ ।
कार्यालयले आज सार्वजनिक सूचना प्रकाशित गरी मेची कोरिडोर (मदन भण्डारी राजमार्ग) मा पर्ने सुखानी पुलको ठेक्का तोडिएको जानकारी दिएको हो ।
सडक डिभिजन कार्यालयका अनुसार सो पुल निर्माणका लागि करिव १४ वर्ष ४ महिना अघि स्काई–अजम्बर–शिवराम जे.भी., काठमाडौंसँग सम्झौता भएको थियो ।
कुल १ करोड ६२ लाख रुपैयाँ लागतमा पुल बनाउने जिम्मा लिएको ठेकेदार कम्पनीले २०७२ सालदेखि निर्माणको काम नगरी कार्यस्थल छोडेको थियो ।
दायित्व पुरा नगरेकाले रुग्ण ठेक्का अन्त्य गरिएको र कानून बमोजिमका कारवाही अगाडि बढाइएको डिभिजन कार्यालय इलामले जनाएको छ ।
(65).jpg)
