बिचौलियासँग जोडिएको प्रकरणमा प्रधानमन्त्री, न्यायालय र प्रहरीसमेत आरोपित हुने अवस्था सिर्जना भएको भन्दै प्रमुख प्रतिपक्षी दल नेपाली कांग्रेसले उच्चस्तरीय छानबिनका लागि तत्काल संसद् बैठक बोलाउन माग गरेको छ। कांग्रेसले उक्त प्रकरणसहित पत्रकारमाथिको धरपकड र पछिल्ला विवादित सरकारी गतिविधिको छानबिन गर्न संसदीय विशेष समिति गठन गर्नुपर्ने माग गरेको हो।
सोमबार सिंहदरबारमा बसेको कांग्रेस संसदीय दलको बैठकले पछिल्ला सरकारी गतिविधिले नागरिक स्वतन्त्रता, प्रेस स्वतन्त्रता, संवैधानिक संस्थाहरूको स्वायत्तता र विधिको शासनमाथि गम्भीर प्रश्न खडा गरेको निष्कर्ष निकालेको छ। बैठकपछि सञ्चारकर्मीसँग कुरा गर्दै कांग्रेस संसदीय दलका नेता भीष्मराज आङ्देम्बेले न्याय सम्पादनको प्रक्रियासमेत विवादित रूपमा सार्वजनिक भइरहँदा त्यसबाट हुने न्याय कति निष्पक्ष र न्यायोचित हुन्छ भन्नेमा शंका उत्पन्न भएको बताए।
Read full story at source ( lokaantar.com )
