ताप्लेजुङदेखि काठमाडौंका लागि हिँडेको बस शुक्रबार अपरान्ह नावा खोलामा फसेको हो ।
पाँचथर — तमोर करिडोरअन्तर्गत पाँचथर र धनकुटाको सीमावर्ती नावा खोलामा यात्रुबाहक बस फसेको छ ।
ताप्लेजुङदेखि काठमाडौंका लागि हिँडेको बस शुक्रबार अपरान्ह नावा खोलामा फसेको हो ।
निरन्तर भइरहेको वर्षाका कारण तमोर करिडोरअन्तर्गतको नावा खोलामा बाढी आएका बखत तर्न खोज्द बस फसेको जिल्ला प्रहरी कार्यालय पाँचथरले जनाएको छ ।
बसबाट यात्रुलाई भने सुरक्षित उद्वार गरिएको स्थानीय रोशन कार्कीले बताए । बसमा ३० यात्रु सवार थिए । नावा खोला तमोर करिडोर सडक खण्डअन्तर्गत पाँचथर र धनकुटाको सीमा क्षेत्रमा पर्छ । यो खोलामा पानीको बहाब बढेपछि सडक पूर्ण रूपमा अवरुद्ध भएको प्रहरीले जनाएको छ ।
बिहीबार विहानैदेखि परेको वर्षाका कारण नदीमा पानीको सतह बढेपछि हाललाई उक्त सडकखण्डमा यातायात सञ्चालन पूर्ण रूपमा बन्द भएको छ ।
कोशी प्रदेशको राजधानी विराटनगरसहित मोरङ र सुनसरीलगायत तराईका जिल्लालाई पाँचथर, धनकुटा र तेह्रथुमसहित हिमाली जिल्ला ताप्लेजुङलाई जोड्ने द्रुत मार्गका रुपमा स्थापित उक्त सडकको नावा खोलामा पुल नबनेका कारण बाढी आउनासाथ सडक अवरुद्ध हुँदै आएको छ ।
लक्ष्मी गौतम कान्तिपुरका पाँचथर संवाददाता हुन् ।
.png)
.jpg)
