चक्रवात ‘अर्नब’ को प्रभावबाट जोगिन सतर्कता अपनाउन पर्यटन बोर्डको आग्रह

काठमाडौँ । नेपाल पर्यटन बोर्डले चक्रवात अर्नबको प्रभावले भारी वर्षा र हिमपात हुनसक्ने भएकोले सतर्कता अपनाउन पर्यटकहरूलाई आग्रह गरेको छ । जल तथा मौसम विज्ञान विभागको मौसम पूर्वानुमान महाशाखाले चक्रवात ‘अर्नब’ को प्रभावका कारण अक्टोबर २९ को रातिदेखि नेपालका विभिन्न भागमा मौसम प्रभावित हुने तथा ३० र ३१ अक्टोबरमा भारी वर्षा, चट्याङ र तीव्र हावाहुरीको सम्भावना रहेको जनाएको छ ।

यसकारण नेपाल पर्यटन बोर्डले स्वदेशी तथा विदेशी पर्यटक र यात्रुलाई सतर्कता अपनाउन आग्रह गरेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार कोशी, बागमती, मधेस, गण्डकी र लुम्बिनी प्रदेशमा मध्यमदेखि भारी वर्षा हुने सम्भावना छ ।

स्रोतमा पूरा पढ्नुहोस् ( ratopati.com )