३१ अक्टोबरदेखि १ नोभेम्बरसम्म हुने प्रतियोगितामा नेपालबाट ३ पुरुष र २ महिला खेलाडी सहभागी हुने छन् ।
काठमाडौँ — वर्ल्ड क्लाइम्बिङ एसियन सिरिजमा भाग लिन ५ सदस्यीय खेलाडी टोली मंगलबार दक्षिण कोरियाको गुन्सान गएको छ । ३१ अक्टोबरदेखि १ नोभेम्बरसम्म हुने प्रतियोगितामा नेपालबाट ३ पुरुष र २ महिला खेलाडी सहभागी हुने छन् ।
पुरुषमा रौनक उप्रेती, तन्जिङ बर्टिन राई र शुलभ राई तथा महिलामा स्वस्तिका चौधरी र मनीषा बुढा मगर छन् । खेलाडीले बोल्डरिङ विधामा प्रतिस्पर्धा गर्नेछन् ।
टोलीलाई मंगलबारै राष्ट्रिय खेलकुद परिषद्का सदस्य–सचिव रामचरित्र मेहताले बिदाइ गरे ।
