नेपाल प्रिमियर लिग क्रिकेटका मंगलबार दाेस्राे खेलमा कर्णाली याक्सले पूर्व विजेता जनकपुर बाेल्ट्सकाे सामना गर्ने भएकाे छ । खेल अपरान्ह साढे ५ बजे फ्लडलाइट्समा हुनेछ ।
जनकपुर बोल्टसका कप्तान हरमित सिंहले नेपाल प्रिमियर लिग क्रिकेटमा मंगलबारको दोस्रो खेलमा कर्णाली याक्सविरुद्ध फिल्डिङ गर्ने भएको छ । टस जितेपछि हरमितले कर्णालीलाई ब्याटिङका लागि पहिला बोलाएका हुन् ।
अमेरिकी अलराउन्डर हरमित सिंहले जनकपुर बोल्ट्सको कप्तानी गरिरहेका छन् । उनले पछिल्ला दुई सिजन सुदूरपश्चिम रोयल्सबाट खेलेका थिए । त्यस्तै न्युजिल्यान्डका अलराउन्डर जिम्मी निसम पनि जनकपुरको टोलीमा फर्किएका छन् । पहिलो सिजनमा जनकपुरलाई च्याम्पियन बनाएका निसमले अघिल्लो सिजन पोखरा एभेन्जर्सबाट खेलेका थिए ।
नेपाल प्रिमियर लिग क्रिकेटमा मंगलबारको दोस्रो खेल जनकपुर बोल्ट्स र कर्णाली याक्स बीच हुनेछ । खेल नेपाली समय अनुसार ५ बजे सुरु हुनेछ ।
शुभ सन्ध्या । पारिलो मौसमबाट ओझेलिएको त्रिवि अन्तर्राष्ट्रिय क्रिकेट रंगशालामा दर्शकहरुको उल्लेख्य उपस्थिति छ । नेपाल प्रिमियर लिग तेस्रो सिजनको मंगलबारको दोस्रो खेलको प्रत्यक्ष अपडेटका लागि कान्तिपुर टिम तयार छ । तेस्रो खेलका लागि कर्णाली याक्स र जनकपुर बोल्ट्सका खेलाडीहरु मैदानमा अभ्यास गरिरहेका छन् । जनकपुर पहिलो संस्करणको विजेता हो ।
