टस जितेपछि ब्याटिङको निम्तो पाएको विराटनगरले त्रिवि अन्तर्राष्ट्रिय क्रिकेट मैदान कीर्तिपुरमा निर्धारित २० ओभर खेलि ३ विकेट गुमाएर १ सय ५७ रन बनाएको हो ।
काठमाडौँ — डेविड मलानको अर्धशतकमा चितवन राइनोजले नेपाल प्रिमियर लिग क्रिकेटमा मंगलबार विराटनगर किंग्सलाई १ सय ५८ रनको लक्ष्य दिएको छ ।
विरानगरका कप्तान सन्दीप लामिछानेले टस जितेपछि ब्याटिङको निम्तो पाएको विराटनगरले त्रिवि अन्तर्राष्ट्रिय क्रिकेट मैदान कीर्तिपुरमा निर्धारित २० ओभर खेलि ३ विकेट गुमाएर १ सय ५७ रन बनाएको हो ।
इंग्लिस ब्याटर मलानले ५० बलमै ७० रन बनाए । तेस्रो संस्करणको एनपीएलमा बनेको यो पहिलो अर्धशतक हो । मलानले समान ५ चौका र छक्का प्रहार गरे । उनका ओपनिङ जोडी देव खनालले १५ बल खेली १ चौकासहित १२ रन बनाए ।
अर्जुन साउद ८ बल खेली ३ रनमै आउट भए । कप्तान रवि बोपारा ३२ र डान मुस्ली २९ रन बनाई अविजित रहे । बोपाराले २६ बल खेली १ चौका र २ छक्का तथा मुस्लीले २२ बल खेली २ चौका प्रहार गरे ।
विराटगनरबाट चरिथ असलंका, एन्ड्रे रसेल र एन्जेलो म्याथ्युजले १–१ विकेट लिए । असलंकाले ३ ओभरमा १८, रसेलले ४ ओभरमा ३९ र म्याथ्युजले ३ ओभरमा १५ रन खर्चे ।
चितवनबाट रवि बोपाराले पहिलो पटक कप्तानी गरेका हुन् । अघिल्लो दुई सिजन कुशल मल्लले चितवनको कप्तानी गरेका थिए । चितवन पहिलो सिजन प्ले अफमा पुगे पनि दोस्रो सिजन शीर्ष चारमा पर्न सकेको थिएन । बोपारा एनपीएलका उच्च स्कोर मध्येका एक हुन् । मल्ल भने आजको खेलमा प्लेयिङमा छैनन् ।
