तेस्रो सिजनको नेपाल प्रिमियर लिग (एनपीएल) को दोस्रो दिन आज मंगलबार हुने पहिलो खेलमा विराटनगर किंग्सले चितवन राइनोजको सामना गर्दै छ । त्रिवि अन्तर्राष्ट्रिय क्रिकेट रंगशालामा हुने यो खेल दिउँसो साढे १२ बजे सुरु हुनेछ।
नेपाल प्रिमियर लिग (एनपीएल) को दोस्रो दिन आज मंगलबार हुने पहिलो खेलमा विराटनगर किंग्सले चितवन राइनोजको सामना गर्नेछ। त्रिवि क्रिकेट मैदानमा हुने यो खेल दिउँसो साढे १२ बजे सुरु हुनेछ।
यसैगरी, आज हुने दोस्रो खेलमा जनकपुर बोल्ट्स र कर्णाली याक्स आमनेसामने हुनेछन्। यो खेल साँझ ५ बजे सुरु हुनेछ।
पहिलो सिजनमा च्याम्पियन बनेको जनकपुर दोस्रो सिजनमा भने अंकतालिकाको पुछारमा रहेको थियो।
शुभ प्रभात। नेपाल प्रिमियर लिग (एनपीएल) को तेस्रो सिजनको दोस्रो दिनमा यहाँहरू सबैलाई स्वागत छ।
आज मंगलबार हुने दुई खेलमध्ये पहिलो खेल विराटनगर किंग्स र चितवन राइनोजबीच हुँदै छ। टिम कान्तिपुर आज पनि लाइभ अपडेटका लागि कीर्तिपुरस्थित त्रिवि अन्तर्राष्ट्रिय क्रिकेट रंगशालामा उपस्थित भइसकेको छ।
यहाँको मौसम निकै खुलेको छ। घाम चर्केको छ। बिहान शीतले मैदान ओसिएको भए पनि अहिले लागेको चर्को घामले सुकिसकेको छ। पिच तयार पार्ने काम भइरहेको छ।
