तेस्रो सिजनमा प्रविधि, अन्तर्राष्ट्रिय मान्यता, विदेशी खेलाडीको सहभागिता र रंगशालाका सुविधा एनपीएलका प्रमुख आकर्षण बनेका छन्। यी चार पक्षले प्रतियोगितालाई अघिल्ला सिजनभन्दा फरक बनाउनेछन् ।
काठमाडौँ — कीर्तिपुरस्थित त्रिवि अन्तर्राष्ट्रिय क्रिकेट रंगशालामा सोमबारदेखि सुरु हुने एनपीएलको तेस्रो सिजन केही ठोस कारणले विशेष बन्दै छ। प्रतियोगितामा प्रविधि र अन्तर्राष्ट्रिय मान्यतासँगै विश्व क्रिकेटका चर्चित खेलाडी तथा दर्शकका लागि थपिएका सुविधा मुख्य पक्षका रूपमा रहेका छन्।
१. डीआरएस प्रविधि — यसपालि खेलाडीले अम्पायरको निर्णय चित्त नबुझेमा रिभ्यु माग गर्न पाउनेछन्। एलबीडब्लूका लागि थ्रीडी बल ट्र्याकिङ, ब्याट र बलको सम्पर्क पत्ता लगाउन एज डिटेक्सन तथा साउन्ड वेभ प्रविधि प्रयोग हुनेछ।
२. आईसीसीको आधिकारिक मान्यता — एनपीएलको तेस्रो सिजनलाई आईसीसीले स्याङ्सन दिएको छ। त्यसपछि प्रतियोगिता अन्तर्राष्ट्रिय टी–२० सरह गणना हुनेछ र खेलाडीका रन तथा विकेट अन्तर्राष्ट्रिय रेकर्डमा समावेश हुनेछन्।
३. विदेशी खेलाडीको ठूलो सहभागिता — डेविड वार्नर, डेविड मिलर, एन्ड्र्यु रसेल, मोइन अली, साहिबजादा फरहान, इफ्तिखार अहमद, शकिब अल हसन र सिकन्दर राजालगायत खेलाडी विभिन्न टोलीबाट सहभागी हुँदै छन्।
४. रंगशाला र दर्शक सुविधा — अघिल्लो सिजनसम्म कीर्तिपुरको त्रिवि क्रिकेट मैदानमा समर्थकका लागि दर्शकदीर्घा र फ्लडलाइट्स जडान भइसकेका थिए। यसपटक दर्शकका लागि थपिएका सुविधा र संरचना पनि एनपीएलको आकर्षणमा समेटिएका छन्।
विस्तृतमा पढ्नुहोस् : पहिलेभन्दा किन विशेष हुँदै छ एनपीएल सिजन ३ ?
विनोद पाण्डे कान्तिपुरका खेलकुद ब्यूरो प्रमुख हुन् ।
