काठमाडौं। नेपाली कम्युनिष्ट पार्टीले कात्तिक ७ देखि मङ्सिर २५ गतेसम्म सञ्चालन गर्ने राष्ट्रिय जागरण अभियानमा सक्रिय सहभागी हुन आम नागरिकलाई अपिल गरेको छ। पार्टीका संयोजक पुष्पकमल दाहाल ‘प्रचण्ड’ले जारी गरेको अपिलमा महँगी, बेरोजगारी, भ्रष्टाचार र युवा पलायन बढ्दै गएको भन्दै जनजीविकाका समस्या समाधान गर्न अभियान सञ्चालन गर्न लागिएको उल्लेख छ।
पार्टीले वर्तमान राजनीतिक, आर्थिक तथा सामाजिक अवस्थाप्रति चिन्ता व्यक्त गर्दै लोकतन्त्र, नागरिक स्वतन्त्रता, राष्ट्रिय स्वाधीनता र संविधानको रक्षा गर्नुपर्नेमा जोड दिएको छ। अभियानमार्फत किसान, मजदुर, युवा, विद्यार्थी, महिला, दलित, आदिवासी जनजाति, मधेसी, थारूलगायत विभिन्न समुदायसँग प्रत्यक्ष संवाद गरी उनीहरूका समस्या, गुनासा र सुझाव सङ्कलन गरिने पार्टीले जनाएको छ।
Read full story at source ( nepalsamaya.com )
