इरानले हर्मुज पूर्ण रुपमा आफ्नो नियन्त्रणमा रहेको दाबी गर्दै यहाँबाट चल्ने जहाजले इरानी निकायसँग समन्वय गरी तोकिएको मार्ग मात्र प्रयोग गर्नुपर्ने जनाएको छ
तेहरान — इरानले हर्मुज जलमार्गमा पानीजहाज आवतजावतमा कडाइ जारी राखेका बेला अज्ञात प्रक्षेपण (प्रोजेक्टाइल) प्रहारबाट दुई तेल ट्याङ्करमा क्षति पुगेको छ । बेलायती समुद्री अधिकारीहरूले शनिबार यसको नजानकारी दिएका हुन् ।
शनिबार ओमाननजिकै तेलका ट्यांकर निशानामा परेको उनीहरुले गरेका छन् । बेलायती निकाय युकेएमटीओका अनुसार ओमानको खसाब बन्दरगाहभन्दा २० किलोमिटर उत्तरमा एउटा ट्याङ्करको पछाडिको भागमा र ३१ किलोमिटर पूर्वमा अर्को ट्याङ्करको इन्जिन कक्षमा प्रहार भएको छ । घटनामा मानवीय क्षति भएको छैन ।
पछिल्लो एक सातामा ट्याङ्करमाथिका यस्ता आक्रमण ह्वात्तै बढेको छ । इरानी सशस्त्र बलको विवरणअनुसार गत एक साताको अवधिमा झन्डै २५ वटा ट्यांकरमा आक्रमण भइसकेका छन् ।
इरानले हर्मुज पूर्ण रुपमा आफ्नो नियन्त्रणमा रहेको दाबी गर्दै यहाँबाट चल्ने जहाजले इरानी निकायसँग समन्वय गरी तोकिएको मार्ग मात्र प्रयोग गर्नुपर्ने जनाएको छ । अन्यथा, आक्रमण गरिने वा जहाजहरु समुद्री बारुदी सुरुङ (माइन) मा पर्ने सक्ने इरानको चेतावनी छ ।
आफ्नो तेल निर्यात रोकिदाँ अरू देशको पनि रोकिने सन्देश दिन इरानले तनाव बढाएको विश्लेषण गरिएको छ । उता, अमेरिकाले इरानी बन्दरगाहमा नाकाबन्दी लगाउँदै अन्य देशका ट्याङ्करको सुरक्षाका लागि जलसेनाको जहाज परिचालन गरेको छ ।