सूचना अनुसार इच्छुक योग्य व्यक्तिले २०८३ मंसिर २२ गते मंगलबार कार्यालय समयभित्र दरखास्त पेस गर्नुपर्नेछ ।
काठमाडौँ — सूचना तथा सञ्चार मन्त्रालयले सार्वजनिक सेवा प्रसारण संस्थाको हाल रिक्त रहेको अध्यक्ष पदमा नियुक्तिका लागि दरखास्त आह्वान गरेको छ ।
मन्त्रालयअन्तर्गत गठित सार्वजनिक सेवा प्रसारण संस्थाको अध्यक्ष पदमा नियुक्ति सम्बन्धी सिफारिस समितिले शुक्रबार सूचना प्रकाशन गर्दै दरखास्त आह्वान गरेको हो । संस्थाको सञ्चालक समितिको अध्यक्ष पद रिक्त रहेकाले प्रतिस्पर्धात्मक प्रणालीद्वारा योग्य व्यक्ति छनोट गरी नियुक्तिका लागि सिफारिस गरिने समितिले जनाएको छ ।
सूचना अनुसार इच्छुक योग्य व्यक्तिले २०८३ मंसिर २२ गते मंगलबार कार्यालय समयभित्र दरखास्त पेस गर्नुपर्नेछ । दरखास्त फाराम, दरखास्तसँग संलग्न गर्नुपर्ने योग्यता, आवश्यक कागजात लगायतको विस्तृत जानकारी सूचना तथा सञ्चार मन्त्रालयको वेबसाइट www.moic.gov.np र सार्वजनिक सेवा प्रसारण संस्थाको वेबसाइट www.psbnepal.gov.np मा उपलब्ध छ ।
दया दुदराज कान्तिपुर मिडिया ग्रुपमा आबद्ध मिडिया रिपोर्टर हुन् । उनी मिडिया र सूचना प्रविधिबारे रिपोर्टिङ गर्छन् ।