काठमाडौँ उपत्यकाको क्षितिजमा लहरै देखिने हिमशृङ्खला । चारैतिर फैलिएका हरिया पहाड र शान्त प्राकृतिक वातावरण । अग्लो डाँडाको शिरमा उभिएर यी दृश्य नियाल्दा जोकोहीको मन लोभिन्छ । अझ त्यही डाँडाको ऐतिहासिक पृष्ठभूमि थाहा पाउँदा यहाँ पुग्नेहरूको उत्सुकता थप बढ्छ ।
भक्तपुरको सूर्यविनायक–८ मा अवस्थित बुकाचोगढी केवल प्राकृतिक सौन्दर्यको थलो मात्र होइन, नेपालको एकीकरण इतिहाससँग जोडिएको महत्वपूर्ण सामरिक स्थल पनि हो । करिब अढाई सय वर्षअघि राष्ट्रनिर्माता पृथ्वीनारायण शाहले काठमाडौँ उपत्यका विजयको रणनीति बनाउने क्रममा यही क्षेत्रबाट उपत्यकाको भौगोलिक अवस्था नियालेको इतिहास पाइन्छ ।
Read full story at source ( gorkhapatraonline.com )