Trending
Prev Story
Next Story

सुध्रियो आर्थिक गतिविधि, कीर्तिमानी रेमिट्यान्सले वाह्य क्षेत्र झन् सबल

Onlinekhabar •
November 19, 2026 • 02:31 PM
2
2 reads 0 reactions

३ मंसिर, काठमाडौं । चालु आर्थिक वर्ष असोजमा कीर्तिमानी रेमिट्यान्स भित्रिएको छ । मासिक आधारमा यो रेमिट्यान्स हालसम्मकै उच्च हो । रेमिट्यान्स आप्रवाहमा निरन्तर उच्च सुधार तथा चाडबाडका कारण असोजमा बढेको आयातले आर्थिक गतिविधि पनि बढाएको …

सुध्रियो आर्थिक गतिविधि, कीर्तिमानी रेमिट्यान्सले वाह्य क्षेत्र झन् सबल

३ मंसिर, काठमाडौं । चालु आर्थिक वर्ष असोजमा कीर्तिमानी रेमिट्यान्स भित्रिएको छ । मासिक आधारमा यो रेमिट्यान्स हालसम्मकै उच्च हो ।

रेमिट्यान्स आप्रवाहमा निरन्तर उच्च सुधार तथा चाडबाडका कारण असोजमा बढेको आयातले आर्थिक गतिविधि पनि बढाएको छ । दसैंतिहारका बेला विदेशमा रहेका नेपालीले आफन्तलाई चाडबाड खर्च पठाउने भएकाले रेमिट्यान्स बढेको हो ।

रेमिट्यान्स आएपछि नेपालमा रहेका आफन्तले पनि चाडबाडको समयमा खर्च बढाउने कारण समग्र आर्थिक गतिविधि बढेको केन्द्रीय बैंकले जनाएको छ ।

केन्द्रीय बैंकका अनुसार असोजमा २ खर्ब ६७ अर्ब रुपैयाँ बराबर रेमिट्यान्स भित्रिएको छ । चालु आव पहिलो तीन महिनामा रेमिट्यान्स आप्रवाह २७.२ प्रतिशत वृद्धि भई ७ खर्ब ३ अर्ब ७० करोड पुगेको छ । साथै, मूल्यवृद्धि पनि ६.३७ प्रतिशत पुगेको छ ।

खाद्य तथा पेय पदार्थ समूह अन्तर्गत घिउ तथा तेल उपसमूहको वार्षिक विन्दुगत उपभोक्ता मूल्य सूचकांक १६.४४ प्रतिशत, फलफूल १५.४६, चिनी तथा चिनीजन्य पदार्थ ११.८४, माछा तथा मासु ८.९१, मरमसला ७.७१ र तरकारीको ७.२८ प्रतिशत मूल्य बढेको छ । समग्र बजार माग बढ्दा मूल्य बढेको केन्द्रीय बैंकको निष्कर्ष छ ।

चालु आव असोजमा बैंक तथा वित्तीय संस्थाबाट निजी क्षेत्रमा प्रवाह हुने कर्जा पनि बढेर १ खर्ब ८४ अर्ब पुगेको छ । सोही अवधिमा आयात ३८.२ प्रतिशत र निर्यात ६१.७ प्रतिशत बढेको छ ।

बैंक तथा वित्तीय संस्थाबाट निजी क्षेत्रमा प्रवाहित कर्जा ३.१ प्रतिशत बढेको छ । वार्षिक विन्दुगत आधारमा २०८३ असोज मसान्तमा बैंक तथा वित्तीय संस्थाबाट निजी क्षेत्रतर्फ प्रवाहित कर्जा ८.३ प्रतिशत बढेको छ ।

असोजसम्म चालु खाता २ खर्ब ७९ अर्ब ११ करोड बचतमा छ । गत आव सोही अवधिमा २ खर्ब ३८ अर्ब बचतमा थियो । असोजमा खुद पूँजीगत ट्रान्स्फर २ अर्ब ३१ करोड छ । गत आव सोही अवधिमा ५ अर्ब ५५ करोड थियो ।

यसैगरी चालु आव असोजमा ४ अर्ब १४ करोड प्रत्यक्ष वैदेशिक लगानी (इक्विटी मात्र) भित्रिएको छ । गत आव सोही अवधिमा १ अर्ब ७४ करोडमात्र थियो ।

त्यसैगररी २०८३ असार मसान्तमा ३८ खर्ब ९७ अर्ब ६७ करोड बराबर रहेको कुल विदेशी विनिमय सञ्चिति ६.८ प्रतिशत वृद्धि भई २०८३ असोज मसान्तमा ४१ खर्ब ६१ अर्ब १४ करोड पुगेको छ ।

अमेरिकी डलरमा यस्तो सञ्चिति असार मसान्तमा २५ अर्ब ३१ करोड रहेकोमा असोज मसान्तमा ८.२ प्रतिशत वृद्धि भई २७ अर्ब ३९ करोड पुगेको छ ।

चालु आव पहिलो त्रैमासमा विस्तृत मुद्राप्रदाय ४.४ प्रतिशत बढेको छ । वार्षिक विन्दुगत आधारमा यस्तो मुद्राप्रदाय १४.८ प्रतिशत बढेको हो ।

बैंक तथा वित्तीय संस्थाको निक्षेप परिचालन २.८ प्रतिशत बढेको छ भने निजी क्षेत्रमा प्रवाहित कर्जा ३.१ प्रतिशत बढेको छ । वार्षिक विन्दुगत आधारमा निक्षेप वृद्धिदर १३.७ र निजी क्षेत्रमा प्रवाहित कर्जा वृद्धिदर ८.३ प्रतिशत छ ।

बैंक तथा वित्तीय संस्थाबीचको भारित औसत अन्तरबैंक दर २.७५ प्रतिशत र ९१–दिन अवधि भएको ट्रेजरी बिलको भारित औसत ब्याजदर १.०१ प्रतिशत रहेको केन्द्रीय बैंकले जनाएको छ ।

वाणिज्य बैंकहरूको निक्षेपको भारित औसत ब्याजदर ३.०७ प्रतिशत र कर्जाको भारित औसत ब्याजदर ६.३१ प्रतिशत छ ।

२०८३ असोज मसान्तमा २० वाणिज्य बैंक, १७ विकास बैंक, १६ वित्त कम्पनी, ५० लघुवित्त वित्तीय संस्था र १ पूर्वाधार विकास बैंक गरी जम्मा १ सय ४ बैंक तथा वित्तीय संस्थाहरू सञ्चालनमा छन् ।

२०८३ असार मसान्तमा बैंक तथा वित्तीय संस्थाहरू (लघुवित्त वित्तीय संस्थासमेत) को शाखा संख्या ११ हजार ३ सय ३२ रहेकोमा २०८३ असोज मसान्तमा ११ हजार ३ सय १ रहेको केन्द्रीय बैंकले जनाएको छ ।

२०८३ असोज मसान्तको प्रारम्भिक तथ्यांक अनुसार बैंक तथा वित्तीय संस्थाको औसत प्राथमिक पूँजी र पूँजीकोषको जोखिम भारित सम्पत्तिसँगको अनुपात क्रमश: ९.५६ र १२.३१ प्रतिशत छ ।

त्यसैगरी बैंक तथा वित्तीय संस्थाहरूको खुद तरल सम्पत्ति तथा निक्षेप अनुपात ३६.८७ प्रतिशत छ । २०८३ असोज मसान्तमा बैंक तथा वित्तीय संस्थाहरूको निष्क्रिय कर्जा अनुपात ५.८२ प्रतिशत छ ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Arthasansar
3h ago
असोजमै भित्रियो हालसम्मकै कीर्तिमानी आकारको रेमिट्यान्स

असोजमै भित्रियो हालसम्मकै कीर्तिमानी आकारको रेमिट्यान्स

चालु आर्थिक वर्ष तेस्रो महिना अर्थात् असोजमा २ खर्ब ६७ अर्ब बराबर रेमिट्यान्स भित्रिएको छ । यो हालसम्मकै कीर्तिमानी अंक...

#रेमिट्यान्स #असोज #कीर्तिमानी
Compare →
Bizshala
2h ago
एकै महिनामा  २ खर्ब ६७ अर्ब रेमिट्यान्स भित्रियो

एकै महिनामा २ खर्ब ६७ अर्ब रेमिट्यान्स भित्रियो

काठमाण्डौ । नेपालमा मासिक रेमिट्यान्स आप्रवाहले नयाँ कीर्तिमान बनाएको छ। नेपाल राष्ट्र बैंकका अनुसार चालु आर्थिक...

#रेमिट्यान्स #असोज
Compare →
Ekantipur
2h ago
तीन महिनामै भित्रियो सात खर्ब रुपैयाँ रेमिट्यान्स, असोजमा मात्रै दुई खर्ब ६७ अर्ब

तीन महिनामै भित्रियो सात खर्ब रुपैयाँ रेमिट्यान्स, असोजमा मात्रै दुई खर्ब ६७ अर्ब

तीन महिनामा वैदेशिक रोजगारीमा जानेको संख्या भने १.७५ प्रतिशतले बढेको छ ।

#रेमिट्यान्स #असोज
Compare →
Nagarik News
2d ago
करको दर होइन, आर्थिक गतिविधि बढाउनुपर्छ : मुख्यमन्त्री थापामगर

करको दर होइन, आर्थिक गतिविधि बढाउनुपर्छ : मुख्यमन्त्री थापामगर

बागमती प्रदेशका मुख्यमन्त्री किरण थापा मगरले करको दर बढाएर मात्र राज्यको राजस्व वृद्धि सम्भव नहुने बताएका छन्।

#गतिविधि
Compare →
Hamro Patro News
2d ago
सर्वाधिक कर तिर्ने रेमिट्यान्स कम्पनीका रूपमा आइएमई सम्मानित

सर्वाधिक कर तिर्ने रेमिट्यान्स कम्पनीका रूपमा आइएमई सम्मानित

काठमाडौं । रेमिट्यान्स तथा मनि ट्रान्सफरको कारोबार गर्ने कम्पनीहरूमध्ये आइएमई लिमिटेड सर्वाधिक कर तिर्ने कम्पनीका रूपमा सम्मानित भएको छ। राष्ट्रिय कर दिवस २०८३ का अवसरमा मंगलबार काठमाडौंमा आयोजित व...

#रेमिट्यान्स
Compare →

Related Stories

Business & Economy
Build #2612