सन्धिखर्क–गोरुसिंगे सडकखण्डअन्तर्गत स्याले बजारमा ट्याक्टरको पछाडि मोटरसाइकल ठोक्किँदा एक जनाको मृत्यु भएको प्रहरीले जनाएको छ ।
सन्धिखर्कमा ट्याक्टरको पछाडि मोटरसाइकल ठोक्किँदा एक जनाको मृत्यु भएको छ।
सन्धिखर्क–गोरुसिंगे सडकखण्डअन्तर्गत स्याले बजारमा दुर्घटना हुँदा सन्धिखर्क नगरपालिका-७ गच्छेका निवासी मोटरसाइकल चालक ४८ वर्षीय मुकुन्द चुदाँलीकाे मृत्यु भएको प्रहरीले जनाएको छ ।
फुडवाङबाट सन्धिखर्कतर्फ आउँदै गरेको रा १ त ५०३९ नम्बरको ट्याक्टरको पछाडि त्यही दिशाबाट आउँदै गरेको लु ६४ प ९८६३ नम्बरको मोटरसाइकल ठोक्किएको हाे ।
ट्याक्टर चालक कपिल पोख्रेल र दुवै सवारीसाधन प्रहरीको नियन्त्रणमा रहेका छन् ।
घटनाबारे थप अनुसन्धान भइरहेको प्रहरीले जनाएको छ ।