सिक्लेस हाइड्रोपावर लिमिटेडले वार्षिक साधारणसभा बोलाएको छ । कम्पनीले मंसिर २७ गतेका लागि वार्षिक साधारणसभा बोलाउने निर्णय गरेको हो ।
कम्पनीले गत आर्थिक वर्षको मुनाफाबाट सेयरधनीहरुलाई वितरण गर्ने लाभांश र बोनस सेयर वितरणपश्चात कायम चुक्तापूँजीमा हकप्रद सेयर निष्काशन गर्ने प्रस्ताव पारित गर्न साधारणसभा बालाएको हो । कम्पनीको २२ औँ वार्षिक साधारणसभा आभ्या क्लब, घारीपाटन, पोखरा, कास्कीमा बिहान ११ बजे शुरु हुनेछ ।
सभाले हाल कायम चुक्ता पूँजीको १२.७०६ प्रतिशतका दरले बोनस सेयर, सोको कर प्रयोजनार्थ ०.६६९ प्रतिशत नगद लाभांश वितरण गर्ने प्रस्ताव पारित गर्ने छ । बोनस सेयर वितरणपश्चात कायम चुक्ता पूँजीको १ बराबर ०.७७४५ अनुपातमा हकप्रद सेयर निष्काशन गर्ने विशेष प्रस्ताव पारित गर्नेछ । यसका साथै सभाले हकप्रद सेयर जारी बापत प्राप्त रकमको प्रयोजन, प्रबन्धपत्र तथा नियमावली संशोधन गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।
साधारण सभा तथा लाभांश वितरण प्रयोजनार्थ कम्पनीले मंसिर १८ गते बुकक्लोज गर्ने भएको छ । यस अनुसार मंसिर १७ गतेसम्म नेप्सेमा कारोबार भइ कायम सेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन् ।