Trending
Prev Story
Next Story

आशीर्वाद र सनिशाको जोडी लिएर ‘मोहनी’को छायाङ्कन चितवनबाट सुरु

Nagarik News •
November 18, 2026 • 08:22 AM
3
3 reads 0 reactions

विजय ब्लोन तामाङको निर्माण रहेको यो फिल्म एक्सन र प्रेमकथामा आधारित रहने छ।

आशीर्वाद र सनिशाको जोडी लिएर ‘मोहनी’को छायाङ्कन चितवनबाट सुरु

एक्सन र प्रेमकथालाई समेटेर निर्माण हुन लागेको नेपाली फिल्म ‘मोहनी’को छायाङ्कन चितवनबाट सुरु भएको छ। गोविन्द सिंह भण्डारीको निर्देशन तथा विजय ब्लोन तामाङको निर्माणमा बन्न लागेको फिल्मको छायाङ्कन मंगलबारदेखि सुरु गरिएको हो।

मोभिरा इन्टरटेन्मेन्टको ब्यानरमा निर्माण हुने ‘मोहनी’ एक्सन–लभस्टोरी विधामा आधारित हुनेछ। फिल्ममा अभिनेता आशीर्वाद क्षेत्री र अभिनेत्री सनिशा भट्टराई मुख्य जोडीका रूपमा देखिनेछन्। यी दुई कलाकारले पहिलोपटक एउटै फिल्ममा सहकार्य गर्न लागेका हुन्। छायाङ्कनको पहिलो दृश्यमा आशीर्वाद क्षेत्रीले अभिनय गरेका थिए भने सनिशा केही दिनपछि छायाङ्कनमा सहभागी हुने निर्माण पक्षले जनाएको छ।

निर्माता विजय ब्लोन तामाङका अनुसार फिल्मको छायाङ्कनका लागि ६० दिनको तालिका तय गरिएको छ। चितवनबाट सुरु भएको छायाङ्कन मुस्ताङ, मुक्तिनाथ, पोखरा हुँदै काठमाडौंमा पुगेर सम्पन्न हुनेछ। फिल्ममा विभिन्न प्राकृतिक तथा पर्यटकीय गन्तव्यलाई समेत दृश्यमा समेट्ने निर्माण टोलीको योजना छ।

निर्माता विजयले कथाको मागअनुसार कलाकार छनोट गरेर छायाङ्कन सुरु गरिएको बताए। दर्शकसम्म राम्रो फिल्म पुर्‍याउने उद्देश्यसहित निर्माण टोली काममा जुटेको उनको भनाइ छ।

फिल्ममा आशीर्वाद र सनिशासँगै सरोज खनाल, निमा पाण्डे, विजय ब्लोन तामाङ, देवकुमार श्रेष्ठ, रञ्जना भट्टराई, रिस्ता अधिकारी, कर्मा लामा, सुरक्षा इटनी र उत्पल झालगायत कलाकारको अभिनय रहनेछ।

‘मोहनी’को कथा निर्माता विजय ब्लोन तामाङ स्वयंले लेखेका हुन्। फिल्मको पटकथा तथा संवाद सामीप्यराज तिमल्सेनाले तयार पारेका छन्। छायाङ्कनको जिम्मेवारी महेश पौडेलले सम्हालेका छन् भने द्वन्द्व निर्देशन सम्राट बस्नेतको रहनेछ। त्यस्तै, विक्रम स्वार र किरण थापाले नृत्य निर्देशन गर्नेछन्।

फिल्ममा तारानाथ न्यौपाने मुख्य सहायक निर्देशक तथा तेजबिक्रम केसी प्रोडक्सन म्यानेजरका रूपमा छन्। एक्सन र प्रेमकथालाई मुख्य आकर्षण बनाउने लक्ष्यसहित निर्माण थालिएको फिल्मको प्रदर्शन मिति भने सार्वजनिक गरिएको छैन।

फिल्मको छायाङ्कन सुरु भएको, पहिलो दृश्यमा आशीर्वाद क्षेत्री सहभागी भएको र आशीर्वाद–सनिशाको पहिलो सहकार्य हुन लागेको विवरण विभिन्न मनोरञ्जन समाचारमाध्यममा पनि सार्वजनिक भएका छन्।

प्रकाशित: २ मंसिर २०८३ १४:०७ बुधबार

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Onlinekhabar
1d ago
विजय र अञ्जनाको जोडीलाई आफ्नै चुनौती

विजय र अञ्जनाको जोडीलाई आफ्नै चुनौती

काठमाडौं । फिल्म ‘सिन्दुरे जात्रा’ मंसिर १८ गते रिलिज हुँदैछ । सरोज पौडेलको निर्देशन रहेको यो फिल्मको मुख्य भूमिकामा विजय बराल र अञ्जना बराइली छन् । फिल्म ‘पूर्णबहादुरको सारङ्गी’ पछि यो जोडी पहिलोपटक ‘सिन्दुरे जात्रा’ मा …

#फिल्म #जोडी
Compare →
Hamro Patro News
1d ago
प्रतिस्पर्धी फिल्मका प्रमुख कलाकार पल र सनिशा देखिए एकसाथ

प्रतिस्पर्धी फिल्मका प्रमुख कलाकार पल र सनिशा देखिए एकसाथ

काठमाडौं– कुनै बेला नेपाली मनोरञ्जन क्षेत्रमा म्युजिक भिडियोमा एकसाथ देखिने अभिनेता पल शाह तथा अभिनेत्री सनिशा भट्टराईबीच प्रेम सम्बन्ध रहेको चर्चा निकै चलेको थियो । अफेयरको हल्लाले चर्चामा आएका यी...

#सनिशा
Compare →

Related Stories

Entertainment & Cinema
Build #2612