Trending
Prev Story
Next Story

इन्टरनेट सेवा प्रदायकलाई एनटीएको निर्देशन – १० दिनभित्र राजस्व विवरण बुझाउनू

Onlinekhabar •
November 18, 2026 • 06:00 AM
3
3 reads 0 reactions

२ मङ्सिर, काठमाडौं । नेपाल दूरसञ्चार प्राधिकरण (एनटीए)ले इन्टरनेट (इमेलसहित) सेवा प्रदायकलाई दूरसञ्चार सेवा दस्तुर (टीएससी) दाखिलासम्बन्धी विवरण र आवश्यक कागजात १० दिनभित्र पेस गर्न निर्देशन दिएको छ । आर्थिक ऐन, २०८३ को व्यवस्था कार्यान्वयन गर्ने …

इन्टरनेट सेवा प्रदायकलाई एनटीएको निर्देशन – १० दिनभित्र राजस्व विवरण बुझाउनू

२ मङ्सिर, काठमाडौं । नेपाल दूरसञ्चार प्राधिकरण (एनटीए)ले इन्टरनेट (इमेलसहित) सेवा प्रदायकलाई दूरसञ्चार सेवा दस्तुर (टीएससी) दाखिलासम्बन्धी विवरण र आवश्यक कागजात १० दिनभित्र पेस गर्न निर्देशन दिएको छ ।

आर्थिक ऐन, २०८३ को व्यवस्था कार्यान्वयन गर्ने क्रममा प्राधिकरणले दूरसञ्चार सेवा सञ्चालनको अनुमतिपत्र लिएर सेवा प्रदान गरिरहेका सबै इन्टरनेट सेवा प्रदायकसँग यस्तो विवरण माग गरेको हो ।

प्राधिकरणले आज सार्वजनिक सूचना जारी गर्दै आर्थिक वर्ष २०८२/८३ र चालू आर्थिक वर्ष २०८३/८४ को असोज मसान्तसम्म नेपाल सरकारको राजस्व खातामा दाखिला गरेको दूरसञ्चार सेवा दस्तुरसम्बन्धी विवरण माग गरेको छ ।

आर्थिक ऐन, २०८३ को दफा ८ को उपदफा (५) मा दूरसञ्चार सेवा दस्तुरको प्रशासन प्राधिकरणले निर्धारण गरेबमोजिम हुने व्यवस्था छ । सोही व्यवस्थाअनुसार सेवा प्रदायकसँग दस्तुर दाखिलासम्बन्धी विवरण माग गरिएको प्राधिकरणका अध्यक्ष अर्जुन घिमिरेले राससलाई जानकारी दिए ।

प्राधिकरणले सेवा प्रदायकलाई मासिक रूपमा इन्टरनेट बिक्रीबाट प्राप्त आय, मर्मतसम्भारबाट प्राप्त आय, उपकरण बिक्रीबाट प्राप्त आय र अन्य आयको छुट्टाछुट्टै विवरण पेस गर्न भनेको छ ।

त्यसैगरी, यी सबै शीर्षकको कुल आय, दाखिला गरेको दूरसञ्चार सेवा दस्तुरको रकम र दाखिला मितिसमेत खुलाउनुपर्नेछ । तोकिएको समयभन्दा ढिलो दस्तुर दाखिला गरेको भए त्यसबापत बुझाएको ब्याजको रकम पनि उल्लेख गर्नुपर्नेछ ।

प्राधिकरणले प्रत्येक महिनाको आय र त्यसमा लाग्ने दूरसञ्चार सेवा दस्तुर दाखिला भए वा नभएको अवस्था स्पष्ट हुने गरी विवरण उपलब्ध गराउन भनेको छ । यसबाट सेवा प्रदायकको आय, सरकारलाई दाखिला गर्नुपर्ने दस्तुर र वास्तविक रूपमा दाखिला भएको रकमबीचको अवस्था परीक्षण गर्न सकिनेछ ।

आर्थिक ऐन, २०८३ को दफा ८ अनुसार टेलिफोन, मोबाइल, इन्टरनेटलगायत दूरसञ्चार सेवा उपलब्ध गराउने निकायले ग्राहकबाट लिने महसुलको १० प्रतिशत रकम दूरसञ्चार सेवा दस्तुरबापत असुल गर्नुपर्ने व्यवस्था छ ।

तर, अनुमतिप्राप्त दूरसञ्चार सेवा प्रदायकले एकअर्काको नेटवर्क प्रयोग गरेबापत तिर्नुपर्ने शुल्क अर्थात् इन्टरकनेक्सन चार्जमा यस्तो दस्तुर लाग्दैन । त्यस्तै, फिक्स्ड ब्रोडब्यान्ड सेवाको शुल्कको ५० प्रतिशतसम्मको मर्मतसम्भार शुल्कमा पनि दूरसञ्चार सेवा दस्तुर नलाग्ने व्यवस्था ऐनमा छ ।

ऐनको उपदफा (३) अनुसार सेवा प्रदायकले ग्राहकबाट असुल गरेको दूरसञ्चार सेवा दस्तुर अर्को महिनाको २५ गतेभित्र नेपाल सरकारको राजस्व खातामा दाखिला गरिसक्नुपर्छ । तोकिएको अवधिभित्र दस्तुर दाखिला नगरेमा बाँकी रकममा मासिक पाँच प्रतिशतका दरले ब्याज लगाएर असुल गर्ने व्यवस्था ऐनमा गरिएको छ ।

दूरसञ्चार सेवा दस्तुरसम्बन्धी व्यवस्था कार्यान्वयन र प्रशासनिक प्रक्रियालाई व्यवस्थित बनाउने उद्देश्यले प्राधिकरणले सेवा प्रदायकसँग आय तथा राजस्व दाखिलाको विस्तृत विवरण माग गरेको हो ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
44m ago
इन्टरनेट सेवा प्रदायकलाई १० दिनभित्र दस्तुर विवरण बुझाउन प्राधिकरणको निर्देशन

इन्टरनेट सेवा प्रदायकलाई १० दिनभित्र दस्तुर विवरण बुझाउन प्राधिकरणको निर्देशन

काठमाडौं । नेपाल दूरसञ्चार प्राधिकरणले इन्टरनेट सेवा प्रदायकलाई दूरसञ्चार सेवा दस्तुरसम्बन्धी विवरण १० दिनभित्र पेस...

#दूरसञ्चार #इन्टरनेट #प्रदायक
Compare →
Nagarik News
2h ago
दूरसञ्चार सेवा दस्तुरको विवरण १० दिनभित्र बुझाउन प्राधिकरणको निर्देशन

दूरसञ्चार सेवा दस्तुरको विवरण १० दिनभित्र बुझाउन प्राधिकरणको निर्देशन

नेपाल दूरसञ्चार प्राधिकरणले इन्टरनेट (इमेलसहित) सेवा प्रदायकहरूलाई दूरसञ्चार सेवा दस्तुर (टीएससी) सम्बन्धी विवरण तथा आवश्यक कागजात १० कार्य दिनभित्र पेश गर्न निर्देशन दिएको छ।

#दूरसञ्चार #इन्टरनेट #प्राधिकरण
Compare →
Hamro Patro News
22h ago
इन्टरनेटसम्बन्धी सबै सुविधा आफ्नै मोबाइलमा

इन्टरनेटसम्बन्धी सबै सुविधा आफ्नै मोबाइलमा

नेपालमा तीव्र गतिमा विस्तार भइरहेको र भरपर्दो इन्टरनेट सेवा प्रदान गर्दैआएको वाइफाइ नेपालले आफ्नै मोबाइल एप सार्वजनिक गरेको छ। यस एपमार्फत ग्राहकहरूले आफ्नो इन्टरनेटसम्बन्धी विभिन्न जानकारी र सेवाह...

#इन्टरनेट
Compare →
Ekantipur
1w ago
१८ दिनमा नेपाल टेलिकमको फाइबर इन्टरनेट लिने नयाँ ग्राहकको संख्या ११ हजार ७६४

१८ दिनमा नेपाल टेलिकमको फाइबर इन्टरनेट लिने नयाँ ग्राहकको संख्या ११ हजार ७६४

पछिल्लो तीन सातामा मात्र इन्टरनेट जडानका लागि नेपाल टेलिकमको अनलाइन सेवा तथा कल सेन्टरमार्फत २८ हजार १९२ जनाले नाम टिपाएका छन् ।

#इन्टरनेट
Compare →

Related Stories

Business & Economy
Build #2612