Trending
Prev Story
Next Story

लाभांश पारित गर्न ग्लोबल आइएमई लघुवित्तले बोलायो साधारणसभा, बुक क्लोज कहिले ?

Arthasansar •
November 18, 2026 • 05:35 AM
4
4 reads 0 reactions

ग्लोबल आइएमई लघुवित्त वित्तीय संस्था लिमिटेडले वार्षिक साधारणसभा आह्वान गरेको छ । कम्पनीको मंसिर १ गते बसेको सञ्चालक समितिको बैठकले...

लाभांश पारित गर्न ग्लोबल आइएमई लघुवित्तले बोलायो साधारणसभा, बुक क्लोज कहिले ?

ग्लोबल आइएमई लघुवित्त वित्तीय संस्था लिमिटेडले वार्षिक साधारणसभा आह्वान गरेको छ । कम्पनीको मंसिर १ गते बसेको सञ्चालक समितिको बैठकले गत आर्थिक वर्षको मुनाफाबाट प्रस्ताव गरेको लाभांश सहितका प्रस्ताव पारित गर्नका लागि १४ औँ वार्षिक साधारणसभा आह्वान गरेको हो ।

कम्पनीको साधारणसभा मंसिर २३ गते पोखराको लेकसाइडमा रहेको आईएमई हस्पिटालिटीमा बिहान ९ बजे सुरु हुने छ । सभाले सेयरधनीहरुका लागि घोषणा गरेको ९.५० प्रतिशत लाभांश पारित गर्न गर्ने छ । सभामा सञ्चालक समितिले प्रस्ताव गरेको ६ प्रतिशत बोनस सेयर र ३.५० प्रतिशत नगद लाभांश पारित गर्ने प्रस्ताव पेस गरिनेछ ।

कम्पनीले आर्थिक वर्ष २०८२/८३ सम्मको सञ्चित मुनाफाबाट चुक्ता पुँजी ६४ करोड ८२ लाख ९७ हजार ७९७ रुपैयाँको ६ प्रतिशतका दरले ३ करोड ८८ लाख ९७ हजार ८६७ रुपैयाँ बराबरको बोनस सेयर वितरण गर्ने प्रस्ताव गरेको छ । त्यस्तै ३.५० प्रतिशतका दरले २ करोड २६ लाख ९० हजार ४२२ रुपैयाँ नगद लाभांश वितरण गर्ने प्रस्ताव पनि सभामा पेस हुनेछ । नगद लाभांशमा कर प्रयोजनको रकमसमेत समावेश छ ।

सभामा आर्थिक वर्ष २०८२/८३ को वार्षिक प्रतिवेदन र लेखापरीक्षकको प्रतिवेदनसहितका वित्तीय विवरण पारित गर्ने प्रस्ताव पनि रहेको छ । साथै आर्थिक वर्ष २०८३/८४ का लागि लेखापरीक्षक नियुक्त गरी पारिश्रमिक निर्धारण गर्ने, स्वतन्त्र सञ्चालकको नियुक्ति अनुमोदन गर्ने तथा सर्वसाधारण सेयरधनी समूहबाट प्रतिनिधित्व गर्ने दुई जना सञ्चालक निर्वाचित गर्ने प्रस्तावमा छलफल हुनेछ ।

त्यसैगरी बोनस सेयर वितरणपछि कम्पनीको प्रबन्धपत्र तथा नियमावलीमा आवश्यक संशोधन गर्ने र सञ्चालक समितिको बैठक भत्ता संशोधन गर्ने प्रस्ताव पनि सभामा पेस गरिनेछ । साधारण सभा तथा लाभांश वितरण प्रयोजनका लागि कम्पनीले मंसिर ११ गते सेयरधनी दर्ता किताब बन्द गर्ने भएको छ । त्यसैले मंसिर १० गतेसम्म नेप्सेमा कारोबार भई नियमानुसार सेयर नामसारी भएका सेयरधनीले मात्र सभामा सहभागी हुन, मतदान गर्न र प्रस्तावित लाभांश प्राप्त गर्न सक्नेछन् ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
1d ago
सर्वोत्तम सिमेन्टले बोलायो साधारणसभा, १५ प्रतिशत लाभांश वितरण गर्न प्रस्ताव पारित गर्ने

सर्वोत्तम सिमेन्टले बोलायो साधारणसभा, १५ प्रतिशत लाभांश वितरण गर्न प्रस्ताव पारित गर्ने

काठमाडौं । सर्वोत्तम सिमेन्ट लिमिटेडले सेयरधनीलाई २१ प्रतिशत लाभांश वितरण गर्ने प्रस्तावसहित आठौँ वार्षिक साधारणसभा...

#साधारणसभा #लाभांश #पारित
Compare →
Hamro Patro News
5d ago
एनएमबि बैंकले बोलायो साधारण सभा, लाभांश प्रस्ताव पारित गर्ने

एनएमबि बैंकले बोलायो साधारण सभा, लाभांश प्रस्ताव पारित गर्ने

काठमाडौं । एनएमबि बैंकले साधारण सभा बोलाएको छ । बैंकले आगामी मंसिर २५ गते शुक्रवार ३१ औँ वार्षिक साधारण सभा डाकेको हो । सभामा गत आर्थिक वर्षको मुनाफाबाट शेयरधनीहरुलाई वितरण गर्ने लाभांश पारित गर्न...

#लाभांश #पारित #बोलायो
Compare →
Onlinekhabar
1w ago
तिहारपछि सेयर किन्दा लाभांश पाइने यी हुन् १७ कम्पनी

तिहारपछि सेयर किन्दा लाभांश पाइने यी हुन् १७ कम्पनी

२२ कात्तिक, काठमाडौं । यतिबेला सूचीकृत कम्पनीहरू धमाधम लाभांश घोषणा गर्दै साधारणसभा तयारीमा छन् । आर्थिक वर्ष समाप्त भएको ६ महिना (पुस) भित्र साधारणसभा सम्पन्न गरिसक्नुपर्ने व्यवस्था छ । लाभांश दिन सक्ने क्षमता भएका कम्पनीले सेयरधनीलाई …

#साधारणसभा #लाभांश
Compare →
Nagarik News
21h ago
प्रतिकूलताबीच लक्ष्यभन्दा बढी राजस्व सङ्कलन हुनु सुशासनको लाभांश: अर्थमन्त्री

प्रतिकूलताबीच लक्ष्यभन्दा बढी राजस्व सङ्कलन हुनु सुशासनको लाभांश: अर्थमन्त्री

अर्थमन्त्री डा. स्वर्णिम वाग्लेले प्रतिकूलताका बीच पनि सरकारले तोकेको लक्ष्यभन्दा धेरै भन्सार राजस्व सङ्कलन हुनुलाई सुशासनको लाभांशका रूपमा बुझ्नुपर्ने बताएका छन्।

#लाभांश
Compare →
Ekantipur
1d ago
तीन कम्पनीको लाभांश घोषणा, सर्वोत्तम सिमेन्ट्सको २१ प्रतिशत

तीन कम्पनीको लाभांश घोषणा, सर्वोत्तम सिमेन्ट्सको २१ प्रतिशत

यी कम्पनीहरूले प्रस्ताव गरेको लाभांश सम्बन्धित निकायले स्वीकृत गर्न र साधारण सभाबाट पारित हुन बाँकी छ ।

#लाभांश
Compare →

Related Stories

National (Nepal)
Build #2612