Trending
Prev Story
Next Story

इजरायली संसद्‍मा नेतान्याहुलाई ठूलो धक्का, विपक्षी गठबन्धनका मतान कहाना नयाँ सभामुखमा निर्वाचित

Onlinekhabar •
November 18, 2026 • 05:31 AM
4
4 reads 0 reactions

२ मंसिर, काठमाडौं । इजरायली प्रधानमन्त्री बेन्जामिन नेतान्याहुको सत्ता पकडमा मंगलबार गम्भीर धक्का लागेको छ। इजरायली संसद 'नेसेट' ले विपक्षी गठबन्धनका उम्मेदवारलाई नयाँ सभामुखमा निर्वाचित गरेसँगै विधायिकी कार्यसूचीमा विपक्षीहरूको नियन्त्रण स्थापित भएको छ। नेसेट प्रवक्ताका अनुसार विपक्षी …

इजरायली संसद्‍मा नेतान्याहुलाई ठूलो धक्का, विपक्षी गठबन्धनका मतान कहाना नयाँ सभामुखमा निर्वाचित

२ मंसिर, काठमाडौं । इजरायली प्रधानमन्त्री बेन्जामिन नेतान्याहुको सत्ता पकडमा मंगलबार गम्भीर धक्का लागेको छ। इजरायली संसद ‘नेसेट’ ले विपक्षी गठबन्धनका उम्मेदवारलाई नयाँ सभामुखमा निर्वाचित गरेसँगै विधायिकी कार्यसूचीमा विपक्षीहरूको नियन्त्रण स्थापित भएको छ।

नेसेट प्रवक्ताका अनुसार विपक्षी नेता गादी आइजेनकोटको ‘यशार’ पार्टीका सांसद मतान कहाना ६६ सांसदहरूको समर्थन प्राप्त गर्दै नेसेटको २६औँ सभामुखमा निर्वाचित भएका हुन्। उनले नेतान्याहुको लिकुड पार्टीका अमिर ओहानाको स्थान लिएका छन्। सांसदहरूले प्रत्यक्ष प्रतिस्पर्धाको सट्टा उम्मेदवारहरूमाथि छुट्टाछुट्टै मतदान गरेका थिए । जसमा लिकुड पार्टीका उम्मेदवार तथा गठबन्धन सचेतक ओफिर काट्जले ५२ मत मात्र प्राप्त गरे।

गत अक्टोबर २७ मा सम्पन्न आम निर्वाचनमा नेतान्याहुले संसदको बहुमत गुमाएपछि आइजेनकोट नेतृत्वको विपक्षी मोर्चाले संसदलाई नयाँ दिशा दिन चालेको यो पहिलो ठूलो कदम हो ।

१२० सिटको नेसेटमा नेतान्याहु र उनको दक्षिणपन्थी तथा अल्ट्रा-अर्थोडक्स गठबन्धनले ५३ सिट मात्र जितेको थियो । विपक्षी मोर्चाले ६७ सिट हासिल गरेको छ । जसमा चार यहुदी पार्टीका ४८ सिट र दुई अरब पार्टीहरू (‘जोइन्ट लिस्ट’ र ‘राम’) का कीर्तिमानी १९ सिट समावेश छन्।

संसदका प्रमुख समितिहरूमा विपक्षी नियन्त्रण र कानुन उल्ट्याउने तयारी

यसै महिनाको सुरुमा राष्ट्रपति आइज्याक हर्जोगबाट नयाँ सरकार गठनको जिम्मेवारी पाएका गादी आइजेनकोटसँग नेतान्याहुलाई विस्थापित गर्न अझै साढे चार हप्ताको समय बाँकी छ।

नयाँ सरकार नबन्दासम्म कायम रहने नेतान्याहुको कामचलाउ सरकारलाई नियन्त्रण र निगरानीमा राख्न विपक्षी मोर्चाले संसदको पूर्ण बैठक , मुख्य पदहरू र विधायिकी कार्यसूचीको प्रयोग गर्ने योजना बनाएको छ। आइजेनकोटले मङ्गलबार कहानाको नियुक्तिलाई ‘परिवर्तनका लागि मतदान गर्ने पूर्ण बहुमतको भावना प्रतिविम्बित गर्ने उचित लोकतान्त्रिक कदम’ भएको बताए।

लिकुड पार्टीको कडा आक्रोश र ‘आतङ्कवाद समर्थक’ को आरोप

नेतान्याहु र उनका सहयोगीहरूले कहानाको निर्वाचन रोक्ने प्रयास गर्दै अरब पार्टीहरूको समर्थनमा निर्भर रहेको भन्दै यसलाई अवैध देखाउन खोजेका थिए, यद्यपि विगतमा उनीहरू आफैँले पनि संसदमा अरब सांसदहरूको समर्थन खोज्दै आएका थिए। मतदानका क्रममा कहानाको पक्षमा मत हाल्ने प्रत्येक अरब सांसदविरुद्ध नेतान्याहु पक्षधर सांसदहरूले ‘लाजमर्दो’भन्दै नाराबाजी गरेका थिए।

मतदानपछि लिकुड पार्टीले नतिजाको निन्दा गर्दै यसलाई ‘नेसेटको इतिहासकै एक निम्न बिन्दु’ भनी टिप्पणी गरेको छ र कहाना ‘आतङ्कवाद समर्थकहरू’ को मतबाट निर्वाचित भएको आरोप लगाएको छ।

नेतान्याहुलाई विस्थापित गर्ने बाटोमा रहेका गम्भीर अवरोधहरू

संसद्‍मा नियन्त्रण जमाए पनि नेतान्याहुलाई सत्ताबाट हटाएर नयाँ सरकार गठन गर्ने आइजेनकोटको योजनासामु अझै गम्भीर अवरोधहरू खडा छन्।

आइजेनकोट चार यहुदी विपक्षी दल (४८ सिट) सम्मिलित अल्पमतको सरकार बनाउन चाहन्छन् । जसमा अरब दलहरू सरकारबाहिरै बसेर विभिन्न सहुलियतको बदलामा संसदमा सरकार ढल्न नदिने गरी बहुमत सुनिश्चित गरून् भन्ने उनको प्रस्ताव छ। तर, गठबन्धनभित्रैका अन्य नेताहरू फरक–फरक दिशामा उभिएका छन्।

विपक्षी नेता एभिग्डोर लिबरम्यानले अरब पार्टीहरूको समर्थनमा बन्ने कुनै पनि सरकारलाई अस्वीकार गरेका छन् र परम्परागत रूपमा नेतान्याहुका सहयोगी रहेका दुई अति-अर्थोडक्स दलहरू – ‘शास’ र ‘युनाइटेड तोराह जुडाइजम’ (यूटीजे) सँग वार्ता गर्न दबाब दिइरहेका छन्।

निर्वाचनपछिको परामर्शमा अस्केनाजी अति-अर्थोडक्स दल यूटीजेले प्रधानमन्त्रीमा नेतान्याहुको नाम सिफारिस गर्न अस्वीकार गर्दै आइजेनकोटको मोर्चासँग अनौपचारिक वार्ताको ढोका खोलेको थियो । तर सभामुखको मतदानमा भने उसले कहानालाई मत नदिई लिकुडकै उम्मेदवारलाई समर्थन गर्‍यो। अर्को अल्ट्रा-अर्थोडक्स दल ‘शास’ अझै पनि नेतान्याहुप्रति वफादार रहेकाले लिबरम्यानको रणनीति अनिश्चित बनेको छ।

अर्कोतर्फ, पूर्वप्रधानमन्त्री नफ्ताली बेनेटले अरब वा अति-अर्थोडक्स दलहरूसँग गठबन्धन गर्नुको सट्टा नेतान्याहुको लिकुड पार्टीसँगै मिलेर राष्ट्रिय सहमतिको सरकार बनाउने विषयमा वार्ता गर्नुपर्ने पक्षमा मत राखेको बताइएको छ।

तर, नेतान्याहुले कुनै पनि वार्ताका लागि आफू नै प्रधानमन्त्री रहनुपर्ने सर्त राखेका छन्, जसलाई आइजेनकोटले ठाडै अस्वीकार गरेका कारण बेनेटको उक्त योजना सफल हुनेमा समेत गहिरो आशङ्का उत्पन्न भएको छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
1w ago
नयाँ संसद्‌मा नेतान्याहुलाई विपक्षीको चुनौती

नयाँ संसद्‌मा नेतान्याहुलाई विपक्षीको चुनौती

इजरायलका प्रधानमन्त्री बेन्जामिन नेतान्याहुलाई नयाँ संसद्् गठनसँगै राजनीतिक दबाब बढ्ने देखिएको छ। संसद्मा उनको गठबन्धनको शक्ति घटेको र विपक्षी बलियो बनेकाले हमासको आक्रमणबारे छानबिन, विवादास्पद कान...

#नेतान्याहु #विपक्षी #संसद्
Compare →
Bizshala
5d ago
नेतान्याहुलाई  प्रधानमन्त्री बन्नबाट रोक्ने तयारी, संसद्‌मा विधेयक पेस

नेतान्याहुलाई प्रधानमन्त्री बन्नबाट रोक्ने तयारी, संसद्‌मा विधेयक पेस

काठमाण्डौ । इजरायलमा नयाँ सरकार गठनको रस्साकस्सीबीच बेन्जामिन नेतान्याहुको अर्को कार्यकाल रोक्न सक्ने कानुनी...

#नेतान्याहु #संसद्
Compare →
Nagarik News
14h ago
सभामुख अर्यालद्वारा फ्रान्सेली लगानीकर्तालाई नेपालमा लगानी गर्न आग्रह

सभामुख अर्यालद्वारा फ्रान्सेली लगानीकर्तालाई नेपालमा लगानी गर्न आग्रह

सभामुख डोलप्रसाद (डिपी) अर्यालले नेपालमा लगानीका प्रशस्त सम्भावना रहेको उल्लेख गर्दै फ्रान्सेली लगानीकर्तालाई नेपालमा लगानी गर्न आग्रह गरेका छन्।

#सभामुख
Compare →
Ekantipur
1d ago
भारत भ्रमणमा जानुअघि राष्ट्रिय सहमतिमा एजेन्डा तय गर्न प्रधानमन्त्रीलाई विपक्षीको सुझाव

भारत भ्रमणमा जानुअघि राष्ट्रिय सहमतिमा एजेन्डा तय गर्न प्रधानमन्त्रीलाई विपक्षीको सुझाव

दुई देशबीचको सम्बन्ध प्रगाढ बनाउनुका साथै विगतदेखि थाती रहेका सीमा समस्या, सन्धि–सम्झौता पुनरावलोकन, व्यापार, जलस्रोत र हवाई रुटका मुद्दालाई सम्बोधन गर्न आग्रह

#विपक्षी
Compare →
Arthasansar
2d ago
इरानविरुद्ध एकजुट हुन नेतान्याहुको प्रस्ताव

इरानविरुद्ध एकजुट हुन नेतान्याहुको प्रस्ताव

इजरायलका प्रधानमन्त्री बेन्जामिन नेतान्याहुले इरानको आणविक कार्यक्रमबाट उत्पन्न हुन सक्ने खतराको सामना गर्न राष्ट्रिय एकता सरकार गठन गर्न पुनः आह्वान...

#नेतान्याहु
Compare →

Related Stories

Politics & Governance
Build #2612