आज र भोलि नेकपा (एमाले) को राष्ट्रिय कार्यकर्ता भेला आयोजना हुँदैछ । सर्वप्रथम भेला सफलताको कामना गर्दै म पार्टीभित्र बृहत् एकता र समयसापेक्ष पुनर्गठनको अपिल गर्दछु । कार्यक्रममा उपस्थित सम्पूर्ण नेता, कार्यकर्ता तथा अन्य सम्पूर्ण सहभागीहरूलाई हार्दिक स्वागत छ । खासगरी एमालेको वरिष्ठ नेताका रूपमा पार्टीको औपचारिक कार्यक्रममा हुन लागेको विशेष उपस्थितिका लागि सम्माननीय पूर्वराष्ट्रपति विद्यादेवी भण्डारीलाई विशेष स्वागत गर्न चाहन्छु र यो उपस्थितिले सशक्त रूपमा निरन्तरता पाउने कुरामा विश्वास व्यक्त गर्दछु । कार्यक्रममा उपस्थितिका लागि मेरो व्यक्तिगत असमर्थताबारे सहभागी साथीहरूले बुझिदिनुहुनेछ । कार्यक्रमलाई सफल बनाउन सबैको सकारात्मक योगदान रहने कुरामा विश्वास व्यक्त गर्दछु। भिन्न मतकै आधारमा ‘कित्ताकाट’ नगरी सामूहिक नेतृत्व प्रणालीको रक्षा गर्न र पार्टीलाई ‘अपडेटेड’ बनाउन म सम्पूर्ण एमाले पङ्क्तिसँग आग्रह गर्दछु । भेलाका सन्दर्भमा यहाँ मेरा केही सुझाव राखेको छु ।
१. पार्टीले ‘विशेष निर्णय’ गरी तोकिएका तह र तप्काका नेता-कार्यकर्ताहरूको सहभागितामा यो भेलाको हुँदैछ। अहिले आयोजना हुँदै गरेको यो कार्यक्रमले आफ्ना घोषित उद्देश्य र योजनाअनुसार उपलब्धि प्राप्त गर्न सकोस् र पार्टीले त्यसको संस्थागत रूपमा मूल्याङ्कन वा समीक्षा गरोस् ! अहिले यति भनौँ- यो कार्यक्रमले नेकपा (एमाले) लाई एकताबद्ध बनाओस् र थप गति प्रदान गर्ने महत्त्वपूर्ण अध्याय बन्न सकोस् । सबैबाट यसका लागि योगदान हुन सकोस्, शुभकामना !
Read full story at source ( nepalpress.com )