Trending
Prev Story
Next Story

मासु जाँच ऐन लागू, उपत्यकामा एकै दिन ४३ हजार किलो परीक्षण

Ekantipur •
November 17, 2026 • 08:32 AM
3
3 reads 0 reactions

वधशालामा पशु वध गर्नुअघि स्वास्थ्य परीक्षण र वधपछि पनि मासु परीक्षण गरेर उपभोगयोग्य छाप लगाई बिक्री गर्ने व्यवस्था छ ।

मासु जाँच ऐन लागू, उपत्यकामा एकै दिन ४३ हजार किलो परीक्षण

वधशालामा पशु वध गर्नुअघि स्वास्थ्य परीक्षण र वधपछि पनि मासु परीक्षण गरेर उपभोगयोग्य छाप लगाई बिक्री गर्ने व्यवस्था छ ।

काठमाडौँ — उपत्यकाका तीन जिल्लामा आजदेखि मासु जाँच ऐन लागू भएको छ । ‘पशु वधशाला तथा मासु जाँच ऐन, २०५५’ कार्यान्वयनको पहिलो दिन उपत्यकाका पाँच स्थानमा कुखुरा र राँगाको मासु निरीक्षण गरी उपभोगयोग्य छाप लगाइएको छ ।

वधशालामा पशु वध गर्नुअघि स्वास्थ्य परीक्षण र वधपछि मासु परीक्षण गरेर उपभोगयोग्य छाप लगाई बिक्री वितरण गर्ने व्यवस्था गरिएको छ ।

पशु सेवा विभागका महानिर्देशक उमेश दाहालले पहिलो दिन काठमाडौंका चार र भक्तपुरको एउटा वधस्थलबाट मासु परीक्षण तथा छाप लगाउने काम सुरु गरिएको बताए । उनका अनुसार पहिलो दिन करिब ४३ हजार किलो मासु परीक्षण गरी बजारमा पठाइएको छ ।

दाहालका अनुसार पशु वध गर्नुअघि स्वास्थ्य परीक्षण गरी वधका लागि योग्य ठहरिएपछि मात्र वध गर्न पाइनेछ । वध गर्नुअघि पशुको शारीरिक अवस्था परीक्षण गरिन्छ । वधपछि मासुमा पनि रोगको परीक्षण गरिन्छ । स्वस्थ मासु भएमा मात्रै छाप लगाउने गरिन्छ । उपभोक्ताले पनि बजारमा छाप लगाइएको मासु हेरेर मात्रै किन्न उनले सुझाव दिए ।

ऐन कार्यान्वयनका लागि उपत्यकामा पहिलो चरणमा २१ वटा पालिकासँगको सहकार्यमा वधस्थल निर्धारण र मासु निरीक्षक परिचालनको प्रक्रिया अघि बढाइएको उनले जानकारी दिए । त्यसका लागि मन्त्रीस्तरीय निर्णयबाट नियुक्त तथा तालिमप्राप्त २४० जना मासु निरीक्षक परिचालन भएका छन् ।

‘अहिले यो ऐन कार्यान्वयनको सुरुवाती चरण छ । स्थानीय सरकार सञ्चालन ऐनअनुसार पनि यसको जिम्मेवारी स्थानीय तहको हुने भएकाले पालिकाहरूसँगको सहकार्यमा काम अघि बढेको छ,’ दाहालले भने, ‘अहिले पालिकाहरूमा निश्चित वधशाला तोक्ने प्रक्रिया पनि चलिरहेको छ । चाँडै वधशाला तोकेर परीक्षण विस्तार गर्नेछौं ।’

सुरुवातमा उपत्यकामा लागू गरिएको ऐन १ साउन २०८४ देखि देशभर कार्यान्वयनमा ल्याउने सरकारी तयारी छ ।

प्रकृति कान्तिपुर मिडिया ग्रुपका आबद्ध दाहाल, अर्थतन्त्रका विविध आयाम, महिला अधिकार र प्रशासनका विषयमा रिपोर्टिङ गर्छिन् ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
1h ago
मासु जाँच ऐन लागू, उपत्यकामा एकै दिन ४३ हजार किलो परीक्षण

मासु जाँच ऐन लागू, उपत्यकामा एकै दिन ४३ हजार किलो परीक्षण

मासु जाँच ऐन लागू, उपत्यकामा एकै दिन ४३ हजार किलो परीक्षण वधशालामा पशु वध गर्नुअघि स्वास्थ्य परीक्षण र वधपछि पनि मासु परीक्षण गरेर उपभोगयोग्य छाप लगाई बिक्री गर्ने व्यवस्था छ । मंसिर १, २०८३ प्र...

#मासु #परीक्षण #जाँच
Compare →
Bizshala
5h ago
काठमाडौं उपत्यकामा आजदेखि पशु वधशाला तथा मासु जाँच ऐन लागू

काठमाडौं उपत्यकामा आजदेखि पशु वधशाला तथा मासु जाँच ऐन लागू

काठमाडौं । काठमाडौं उपत्यकाका तीनवटै जिल्ला काठमाडौं, ललितपुर र भक्तपुरका सबै स्थानीय तहमा आजदेखि ‘पशु वधशाला तथा मासु...

#मासु #जाँच #लागू
Compare →
Nagarik News
1h ago
आजदेखि उपत्यकामा स्वस्थ मासुमा छाप लगाउन थालियो

आजदेखि उपत्यकामा स्वस्थ मासुमा छाप लगाउन थालियो

कृषि, वन तथा पर्यावरण मन्त्रालयले पशु बधशाला तथा मासु जाँच ऐनको कार्यान्वयन सुरु गरेको छ।

#मासु #पशु #उपत्यका
Compare →
Onlinekhabar
7h ago
अब छाप हेरेर मात्रै मासु किन्नुहोला, उपत्यकामा आजदेखि ‘मासु जाँच ऐन’ लागु

अब छाप हेरेर मात्रै मासु किन्नुहोला, उपत्यकामा आजदेखि ‘मासु जाँच ऐन’ लागु

१ मंसिर, काठमाडौं । आज १ मंसिरदेखि काठमाडौं उपत्यकाका तीन वटै जिल्ला (काठमाडौं, ललितपुर र भक्तपुर) का सम्पूर्ण स्थानीय तहमा ‘पशु वधशाला तथा मासु जाँच ऐन २०५५’ औपचारिक रूपमा लागु भएको छ । उपभोक्तालाई स्वच्छ, स्वस्थ …

#मासु #जाँच #उपत्यका
Compare →
Arthasansar
2d ago
चीनमा पहिलोपटक पाइलटसहित इलेक्ट्रिक विमानको सफल परीक्षण

चीनमा पहिलोपटक पाइलटसहित इलेक्ट्रिक विमानको सफल परीक्षण

चीनले विद्युतीय व्यावसायिक विमान पहिलोपटक चालक दलका सदस्यसहित सफल परीक्षण गरेको छ । चीनले शनिबार सीई– २५ ए नामक विद्युतीय...

#परीक्षण
Compare →

Related Stories

National (Nepal)
Build #2612