इलामका किसानलाई यतिबेला धान काटेर थन्क्याउने चटारो छ । खेतमा धान पाकेर पहेँलपुर भएपछि किसानहरू धमाधम धान काट्ने, सुकाउने र भित्र्याउने काममा जुटेका छन् । तर गत कात्तिक २५ गते यता मौसममा आएको परिवर्तनसँगै वर्षा हुने सम्भावनाले किसानको चिन्ता पनि बढाएको छ ।
धान पाकेर खेतमा झुलिरहेको अवस्थामा पानी परे धान भिज्ने, झर्ने र उत्पादनमा क्षति पुग्ने जोखिम भएपछि किसानहरू सकेसम्म छिटो धान भित्र्याउन लागिपरेका छन् । वर्षभरि खानका लागि उत्पादन गरेको धान भित्र्याउने समयमा मौसम प्रतिकूल बनेपछि किसानलाई थप चिन्ता भएको इलाम फाकफोकथुम गाउँपालिका आमचोकका भगीरथ भण्डारीले बताउनुभयो । उहाँलाई पनि यतिबेला धान थन्क्याउने चटारो छ । पाकेको धान काटेर सुरक्षित रूपमा घरमा भित्र्याउनुपर्ने समयमा मौसम बिग्रिएर पानी परे बाली नै नष्ट हुन सक्ने चिन्ता थपिएको उहाँले बताउनुभयो ।
Read full story at source ( gorkhapatraonline.com )