Trending
Prev Story
Next Story

बुधबार सुरु हुने एमालेको राष्ट्रिय भेलाको तयारी पूरा, ३ हजार ४१४ जना सहभागी हुने

Nagarik News •
November 16, 2026 • 11:17 AM
2
2 reads 0 reactions

नेकपा एमालेले आगामी मंसिर २ र ३ गते काठमाडौंमा आयोजना गर्न लागेको राष्ट्रिय भेलाको तयारी पूरा भएको जनाएको छ।

बुधबार सुरु हुने एमालेको राष्ट्रिय भेलाको तयारी पूरा, ३ हजार ४१४ जना सहभागी हुने

नेकपा एमालेले आगामी मंसिर २ र ३ गते काठमाडौंमा आयोजना गर्न लागेको राष्ट्रिय भेलाको तयारी पूरा भएको जनाएको छ।

भेलामा पार्टीका केन्द्रीय नेतृत्वदेखि पालिका तहका कमिटीका प्रतिनिधि तथा जनप्रतिनिधिसहित ३ हजार ४१४ जना सहभागी हुने भएका छन्।

सोमबार पार्टी केन्द्रीय कार्यालय च्यासलमा आयोजित पत्रकार सम्मेलनमा प्रचार तथा प्रकाशन विभाग प्रमुख नीरज आचार्यले भेलाको सम्पूर्ण तयारी पूरा भएको जानकारी दिएका हुन्।

उनका अनुसार भेलाको उद्घाटन मंसिर २ गते बिहान ११ बजे पार्टी अध्यक्ष तथा पूर्वप्रधानमन्त्री केपी शर्मा ओलीले गर्नेछन्।

काठमाडौंको माइतीघर हाइटस्थित कार्की ब्याङ्क्वेटमा हुने भेलामा संघीय संसद्, प्रदेशसभा तथा स्थानीय तहका जनप्रतिनिधिहरूको समेत सहभागिता रहनेछ।

एमालेका अनुसार भेलाको मुख्य उद्देश्य पार्टीको तेस्रो पूर्ण बैठकबाट पारित दुई प्रमुख कार्यभार तथा १५ वटा कामको कार्यान्वयन अवस्थाबारे छलफल गर्नु हो।

भेलामा अध्यक्ष ओलीले समसामयिक राजनीतिक परिस्थितिबारे आफ्नो धारणा राख्ने कार्यक्रम रहेको छ। त्यस्तै, पूर्वराष्ट्रपति तथा वरिष्ठ नेता विद्यादेवी भण्डारीले पनि सम्बोधन गर्ने कार्यतालिका छ।

उपाध्यक्षद्वय रामबहादुर थापा र विष्णुप्रसाद पौडेल तथा महासचिव शंकर पोखरेलले विभिन्न विषयमा कार्यपत्र प्रस्तुत गर्नेछन्।

पत्रकार सम्मेलनमा महासचिव पोखरेलले वर्तमान सरकारले प्रतिशोधको भावनाबाट काम गरिरहेको आरोप लगाउँदै पार्टी अध्यक्ष ओलीमाथि समेत प्रतिशोध साँधिएको दाबी गरे।

उनले पार्टी पुनर्गठनको विषयलाई सचिवालयले अपनत्व लिएको उल्लेख गर्दै आवश्यक समयमा कार्यान्वयन गरिने बताए। राष्ट्रिय भेलाले पार्टीलाई वैचारिक र सांगठनिक रूपमा एकताबद्ध बनाउने उनको दाबी छ।

पोखरेलले स्थानीय तहलाई एमालेले सधैँ प्राथमिकतामा राख्दै आएको उल्लेख गर्दै राष्ट्रिय भेला स्थानीय तह निर्वाचनको तयारीसँग समेत जोडिएको बताए।

उनका अनुसार यो भेला नयाँ निर्णय गर्नेभन्दा यसअघि भएका निर्णय कार्यान्वयनमा लैजाने उद्देश्यले आयोजना गरिएको हो।

यसैबीच, पोखरेलले प्रधानमन्त्री बालेन शाहको कार्यशैलीप्रति टिप्पणी गर्दै उनको स्वभाव लोकतान्त्रिक नरहेको आरोपसमेत लगाए।

प्रकाशित: ३० कार्तिक २०८३ १७:०२ सोमबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
32m ago
बुधबार सुरु हुने एमालेको राष्ट्रिय भेलाको तयारी पूरा, ३ हजार ४१४ जना सहभागी हुने

बुधबार सुरु हुने एमालेको राष्ट्रिय भेलाको तयारी पूरा, ३ हजार ४१४ जना सहभागी हुने

नेकपा एमालेले आगामी मंसिर २ र ३ गते काठमाडौंमा आयोजना गर्न लागेको राष्ट्रिय भेलाको तयारी पूरा भएको जनाएको छ। भेलामा पार्टीका केन्द्रीय नेतृत्वदेखि पालिका तहका कमिटीका प्रतिनिधि तथा जनप्रतिनिधिसहित...

#भेला #तयारी #एमा
Compare →
Onlinekhabar
2h ago
स्थानीय चुनावको तयारी भन्दै एमालेले डाक्यो राष्ट्रिय भेला

स्थानीय चुनावको तयारी भन्दै एमालेले डाक्यो राष्ट्रिय भेला

३० कात्तिक, काठमाडौं । नेकपा एमालेले आगामी मंसिर २ र ३ गते काठमाडौंमा आयोजना गर्न लागेको राष्ट्रिय भेलामा ३ हजार ५१४ जना सहभागी हुने जनाएको छ । पार्टीको केन्द्रीय नेतृत्वदेखि पालिका तहका कमिटीका पदाधिकारी तथा पार्टीबाट …

#भेला #एमा #एमाले
Compare →
Ekantipur
55m ago
एमालेको राष्ट्रिय भेलाको मुख्य एजेण्डा स्थानीय निर्वाचन

एमालेको राष्ट्रिय भेलाको मुख्य एजेण्डा स्थानीय निर्वाचन

एमालेले पालिका तहका कमिटीदेखि केन्द्रीय नेतृत्व र संघीय संसद्‌देखि स्थानीय तहसम्मका जनप्रतिनिधि एउटै मञ्चमा सहभागी हुनेगरी राष्ट्रिय भेलाको आयोजना गरेको हो ।

#भेला #एमा #एमाले
Compare →
Bizshala
23h ago
निर्वाचनको तयारीमा आयोग सक्रिय : मंसिर ४ गते राजनीतिक दलहरूसँग निर्णायक छलफल हुने

निर्वाचनको तयारीमा आयोग सक्रिय : मंसिर ४ गते राजनीतिक दलहरूसँग निर्णायक छलफल हुने

काठमाण्डौ । आगामी निर्वाचनको तयारीलाई तीव्रता दिँदै निर्वाचन आयोगले राष्ट्रिय मान्यता प्राप्त राजनीतिक दलहरूलाई...

#तयारी
Compare →

Related Stories

Politics & Governance
Build #2612