६ जना सवार अटो सोमबार बिहान करिब १०:२० बजेतिर ब्रेक फेल भएर सडकबाट करिब ९०० मिटर तल खसेको प्रहरीले जनाएको छ ।
काठमाडौँ — बझाङमा अटो दुर्घटना हुँदा चार जनाको मृत्यु भएको छ । सोमबार बिहान बुंगल नगरपालिका–१० टुमेडा गाउँबाट बुंगल नगरपालिका–११ हिड्नेगडा बजारतर्फ जाँदै गरेको अटो दुर्घटनामा परेको हो ।
६ जना सवार अटो बिहान करिब १०:२० बजे ब्रेक फेल भएर सडकबाट करिब ९०० मिटर तल खसेको प्रहरीले जनाएको छ ।
जिल्ला प्रहरी कार्यालयका प्रवक्ता दीपक विष्टका अनुसार दुर्घटनास्थलबाट चार जनाको शव निकालिएको छ । दुर्घटनाबारे अनुसन्धानका लागि प्रहरीले अटो चालकलाई नियन्त्रणमा लिएको छ ।