रुस भ्रमणमा रहेका नेपाली कम्युनिस्ट पार्टीका संयोजक पुष्पकमल दाहालले ‘फर फ्रिडम अफ नेसन्स’ विश्व सम्मेलनमा विभिन्न देशका नेताहरूसँग भेटघाट गरेका छन् ।
रुस भ्रमणमा रहेका नेपाली कम्युनिस्ट पार्टीका संयोजक पुष्पकमल दाहालले ‘फर फ्रिडम अफ नेसन्स’ विश्व सम्मेलनमा विभिन्न देशका नेताहरूसँग भेटघाट गरेका छन् ।
‘अल रसियन पोलिटिकल पार्टी’को निमन्त्रणामा शुक्रबार रुस गएका उनले चीन, श्रीलंका, माल्दिभ्स, पेरुलगायत देशका नेताहरूसँग भेटवार्ता गरेको भ्रमणमा सँगै रहेका प्रमुख स्वकीय सचिव गोविन्द आचार्यले जानकारी दिए ।
सम्मेलनमा ६० देशका नेताहरूले भाग लिएका छन् । दाहालले सोमबार सम्मेलनलाई सम्बोधन गर्ने कार्यक्रम छ । उनले राष्ट्रिय स्वतन्त्रता, विश्व कम्युनिस्ट आन्दोलन र समाजवादबारे धारणा राख्ने कार्यक्रम छ ।
रुसका उच्च अधिकारीसँग भेटघाट गर्नेबारे भने तय भइनसकेको आचार्यले जानकारी दिए । जेठमा सहसंयोजक नेपालले पनि रुस भ्रमण गरेका थिए ।
