मदन भण्डारी लोकमार्गअन्तर्गत बकैया-५ तीनतलेमा भएको ट्यांकर दुर्घटनामा चालकको मृत्यु भएको हो ।
हेटौंडा — मदन भण्डारी लोकमार्गअन्तर्गत बकैया गाउँपालिका-५ तीनतलेमा ट्यांकर दुर्घटनामा चालकको मृत्यु भएको छ ।
आफनै ट्यांकरले च्यापिएर सिन्धुली घ्याङलेक गाउँपालिका-२ घर भई हाल काभ्रे बनेपा नगरपालिका-१३ मा बस्दै आएका चालक रमेशकुमार रायमाझीको मृत्यु भएको हो । हेटौंडाबाट हात्तिसुँडेतर्फ जादै गरेको ना ६ ख २९४९ नं. डिजेल लोड गरेको ट्यांकर सडकको बायाँ साइडमा दुर्घटना भएपछि चालक च्यापिएका थिए ।
प्रहरी र स्थानीयबासीले शुक्रबार राति नै चालकलाई च्यापिएको ठाउँबाट निकालेका थिए ।
प्रताप विष्ट कान्तिपुरको हेटौडा संवाददाता हुन् । उनी स्थानिय राजनीतिक र सामाजिक मुद्धाबारे रिपोर्टिङ/टिप्पणी लेख्छन् ।
