लोकप्रिय गायिका तथा बौद्ध भिक्षुणी आनी नियुक्त भएलगत्तै विरोध सुरु भयो, जसले नागरिकता र सम्पत्ति शुद्धीकरणसम्बन्धी बहस तीव्र बनाएको छ।
काठमाडौँ — फूलको आँखामा फूलै संसार, काँडाको आँखामा काँडै संसार । अर्थात् फरक फरक आँखाले संसारलाई फरक फरक किसिमले देख्छ । यही गीतबाट आफ्नो पहिचान बनाएकी गायिका तथा बौद्ध भिक्षुणी आनी छोइङ डोल्मा अहिले केहीका आँखाकै तारो बनिरहेकी छन् । करिब पाँच महिनादेखि खाली भएको लुम्बिनी विकास कोषको उपाध्यक्षमा आनीलाई ३० असोजमा मन्त्रिपरिषद् बैठकले नियुक्त गर्ने निर्णय गरेको थियो । तर निर्णयलगत्तै विरोध सुरु भयो । विरोधको कारण के हो ? आनीलाई जोड्दै भएको नागरिकता र सम्पत्ति शुद्धीकरण विवाद के हो ? अनि आनीको भनाइ के छ ?
